O`qitishning tashkiliy shakli

HARAKAT-TAYANCH SOHASINING SHIKASTLANISHI
Harakat - tayanch sohasining shikastlanishi juda keng tarqal- gandir. Ular turli sharoitlarda yuz beradi: yiqilganda, noqulay yoki kutilmagan harakatda yoki yo'l- transport hodisasida. Sinish bu suyak butunligining buzilishidir. U to'liq va chala, yopiq yoki ochiq bo'lishi mumkin. Nisbatan keng tarqalgan yopiq sinishda teriga shikast yetmaydi. Ochiq sinishda esa, yara jarohati yuz beradi.

CHIQISH - bu suyak bo'g'imdagi odatiy holatiga nisbatan siljishidir.
Suyakning chiqishiga sabab bo'lgan katta kuch ta'sirida suyak sinishi va atrofdagi asab hamda qon tomirlarga jarohat yetkazishi mumkin. Suyakning chiqishini bo'g'imning ko'zga tashlanadigan deformatsiyasiga ko'ra osonlik bilan aniqlash mumkin.
Paylarning cho'zilishi va uzilishi bo'g'imga haddan tashqari kuch bilan ta'sir etganda yuz beradi. Pay cho'zilishining og'ir turlarida bo'g'imning bir ozgina harakati ham qattiq og'riq bilan kechadi. Boldir-panja va tizza bo'g'imlari, barmoqlar va bilak paylarining cho'zilishi keng tarqalgandir.
Mushaklar va tog'aylarning cho'zilishi odatda og'ir buyumlarni ko'targanda, mushaklar haddan tashqari og'ir ish bajarganda yoki noqulay harakatda qo'qqisdan yuz beradi. Agar bu tarzdagi jarohatlarga e'tibor berilmasa, mushaklarning cho'zilishi surunkali holga aylanishi mumkin, ayniqsa, bo'yin, bel va son sohalarida.
KASALLIK BELGILARI
• Og'riq
• Shish
• Odatdagi harakat vazifasini bajara olmaslik
• Teri rangi o'zgarishi deformatsiya (shaklning o'zgarishi)
• Tashqi qon ketishi
• Jarohat olgan paytda suyaklarda qisirlash yoki shaqillagan tovush.

BIRINCHI YORDAM

• Tinchlik
• Tana jarohatlangan qismining harakatsizligini ta'minlash
• Jarohatlangan joyga sovuq narsa qo'yish
• Tananing jarohatlangan qismini bir oz yuqori holatda joylashtirish.
Tananing jarohatlangan qismi "shina" (taxtacha, karton, buklangan jurnallar, ko'rpa, bintlarva h.k) bilan mustahkamlanadi.
Shina:
— Shikastlangan qism holatini o'zgartirmagan holdao'rnatiladi.
— Jarohat qismini ham, ana shu sohadan yuqori va quyida joytashgan bo'g'imlarni ham o'z ichiga olmog'i kerak
• Jarohatlangan sohadan yuqorida va pastda mahkamlanadi.
• O'rnatilganidan so'ng barmoqlarni tekshir, paypaslab ko'rganingda ular iliq va tirnoqlar atrofi
pushti rangda bo'lishi kerak.
— Uvishishdan shikoyat bo'lsa, bog'lovni bo'shating.