O`zbekiston respublikasi xalq ta’limi vazirligi navoiy davlat pedagogika instituti boshlang`ich ta’lim uslubiyoti fakulteti

Tayanch tushunchalar
Kontent tahlil - so`zlangan nutq matnlari, suhbatlarning yozib olingan qismlari.
Ijtimoiy psixologik testlar - ijtimoiy psixologik hodisa qisqa muddat ichida bir texnik vosita sifatida uning yordamida tekshiriladi.
«Trening"– inglizcha "o`rgatish, mashq" ma’nosini anglatadi. Bu turli ijtimoiy faoliyat sohalarida shaxsni tayyorlashdan iborat bo`lib, bunda shaxslar va guruhning muloqot darajasini maqsadga muvofik tarzda oshirish jarayonini aks ettirishdir.
«Breynstorming"– munozaralar yuritishning bir shakli.


Adabiyotlar:
1. Andireyeva G.M. Aktualnыe problemы sotsialnoy psixologii. M. 1998.
2. Andreyeva G.M. Sotsialnaya psixologiya M, 1980.
3. Karimova V.M., Akramova F. Psixologiya T 2000.
4. Karimova V.M Ijtimoiy psixologiya va ijtimoiy amaliyot.T1999
5. Mayers D. Sotsialnaya psixologiya, Sankt-Peterburg, 1997.
6. Metodi sotsialnoy psixologii. ye.E.Kuzmin tarx, L1997
7.Sokolova ye.T. Proyektivnыe metodы issledovaniya lichnosti. M,1980
8.Sotsialnaya psixologiya. A.V.Petrovskiy tarx. M,1987.


Ijtimoiy psixologiyada guruhlar va jamoalar.


Reja:

1. 
   Guruhlar va ularning turlari.
   
2. 
   Jamoa haqida tushuncha.
   
3. 
   Guruhlar va jamoada shaxslararo munosabatlar. .
   
4. 
   Lider va uning turlari. Liderlik qilish uslublari.
   
5. 
   Guruh jamoalarda ma’naviy psixologik iqlim. Unga ta’sir etuvchi omillar.
   
6. 
   Guruhlardagi shaxslararo munosabatlarni o’rganish metodlari.
   

Har bir shaxs o`z faoliyatini turli guruhlar sharoitida yoki turli guruhlar ta’sirida amalga oshiradi. Chunki jamiyatdan chetda qolgan yoki insonlar guruhiga umuman qo`shilmaydigan individning o`zi yo`q. Kishi jamiyatda yashar ekan, u doimo turli insonlar bilan muloqotda,o`zaro ta’sirda bo`ladi, bu muloqot jarayonlari esa doimo kishilar guruhida ro`y beradi. Shuning uchun ham guruhlar muammosi, uni o`rganish va guruhlarni shakllanishiga oid ilmiy xulosalar chikarish insoniy psixologiyaning asosiy mavzularidan va muammolaridan biridir.
Shaxs ijtimoiy mavjudot. U o’zining hayoti davomida boshqa kishilar bilan bevosita muloqotda bo’ladi va bu orqali o’zining ijtimoiy mohiyatini amalga oshiradi. Bunday muloqot turli xil guruhlarda ruy beradi.