Pedaqogika imtahan cavabları Şagirdə münasibətə görə pedaqoji texnologiyaları fərqləndirin
Dərslərin müşahidəsinə dair mülahizələr yürüdün
Yüklə 0,76 Mb. Pdf görüntüsü
|
|
27.Dərslərin müşahidəsinə dair mülahizələr yürüdün
Peşəkar pedaqoqlar fəaliyyətlərinin qiymətləndirilməsi, ekspertizası araşdırılması hallarında müşahidə olunmağa alışmışlar. Müəllimlərin həmkarlarının dərslərini müşahidə etməsi təqdirəlayiq haldır və bu təcrübənin son nəticəsi şagirdlərin öyrənməsinə kömək etməkdir. Məktəbdə yeni fəaliyyətə başlayan gənc pedaqoqun da bu üsuldan yararlanması vacibdir. Müəllimlər dərsdə baş verənləri təhlil etməyə çalışan insanlar tərəfindən deyil, daha çox, dərsin necə keçilməsini fikirləşənlər tərəfindən müşahidə olunurlar. Dərsdən əvvəl müşahidə edəcəyiniz məsələləri və dərsdən sonra həmin məlumatlarla edəcəyinizi dəqiq müəyyənləşdirməlisiniz. Münasib vaxtda fəaliyyətinizin məqsədi, səbəbi və digər önəmli məqamlar barədə həmkara məlumat verilməsi tövsiyə olunur. Müşahidə edilən aspektləri aydınlaşdırmaq, öyrənmə prosesində dərin anlama üçün verilmiş qərarların səbəbinin müzakirəsini aparmaq imkanı yaranacaq. Müşahidə tədqiqatın əsas mərhələsidir, nəyin hansı səbəbdən baş verdiyini, necə təsir göstərəcəyini öyrənmək məqsədi daşıyan, passiv olmayan bir fəaliyyətdir. Dərsləri müşahidə edərkən əvvəlcə şagirdlərin bir-biri və müəllimlə necə ünsiyyət qurduqları, öyrənmə prosesinə necə daxil olduqları və s. məsələlərlə bağlı məlumat toplamaq vacibdir. Bunlar müəllim kimi inkişafınıza çox kömək göstərəcək. Lakin müşahidələri müəllim və onun təlim metodunu təkrarlamaq məqsədilə aparılmamalıdır. Hər bir müəllim, o cümlədən hər şagird fərqlidir, spesifik xüsusiyyətlərə malikdir və hər bir müəllimin siniflə təkrarolunmaz fərqli bir münasibəti vardır. Eyni üsulun təkrarı uğursuzluqla nəticələnə bilər. Dərsin bir sıra aspektlərinin müşahidə obyekti kimi seçilməsi mümkündür: öyrənmə mühiti, dərsin istənilən xüsusiyyətləri, dəyərlər və s. Müəllimlər müvafiq qaydaların tətbiqini elə şəkildə tənzimləməlidir ki, yeri gəldikcə, bir işarə və ya jestlə həmin qaydanı şagirdlərə xatırlatsın, istənilən xoşagəlməz davranışın qarşısı alınsın. Məsələn, şagirdlər dərs vaxtı bir-biri ilə danışarsa, pedaqoq üzünün ifadəsi və ya qaşını qaldırması ilə bunun yolverilməzliyini xatırladır. Gənc müəllim müşahidə etdiyi dərsdə şagirdlərin nəyi, necə öyrəndiyini araşdırmaq, müəllimin gündəlik metod və strategiyalarını izləmək olduqca faydalıdır. Yüklə 0,76 Mb. Dostları ilə paylaş:
|