Pedaqogika imtahan cavabları Şagirdə münasibətə görə pedaqoji texnologiyaları fərqləndirin

29.Şagird nailiyyətlərinin qiymətləndirilməsinin prinsiplərini fərqləndirin. 
Qiymətləndirmə - təlim nailiyyətlərinin ölçülməsi, mövcud problemlərin 
diaqnostikası, əks-əlaqənin yaranması, təhsil prosesinin bütün iştirakçılarının, o 
cümlədən şagird, müəllim, valideyn və təhsilin vəziyyəti, problemləri və 
nailiyyətləri haqqında məlumatlandırılmasıdır.
Qiymətləndirmə zamanı müəllim fəaliyyətini aşağıdakı prinsiplər əsasında 
qurmalıdır:

---

Ədalətlilik. Qiymətləndirmə meyarlarının mükəmməl işlənilməsi. Meyarlar 
qiymətləndirmənin və qiymətin şagirdə təzyiq vasitəsi kimi istifadə olunma 
təhlükəsinin qarşısını alır. 
Uyğunluq. Bilik, bacarıq, vərdiş və səriştələrin qiymətləndirilməsinin təlimin 
məqsəd və nəticələrinə uyğun olub-olmamasının daim nəzərdə saxlanılması.
Əlaqəlilik. Qiymətləndirmənin təlim prosesinin qabaqcadan planlaşdırılmış və 
mükəmməl düşünülmüş tərkib hissəsi kimi həyata keçirilməsi. 
Aşkarlıq. Şagirdlərə tapşırığın yerinə yetirilməsindən əvvəl qiymətləndirmənin 
meyar və metodları haqqında məlumatın verilməsi. Şagirdlərin qiymətləndirmə 
meyarlarının hazırlanmasına cəlb olunması da istisna deyil. 
Xeyirxahlıq. Müəllimlə şagird arasında partnyor münasibətləri üçün şəraitin 
yaradılması. 
Əlverişlilik. Qiymətləndirmənin forma, metod və məqsədlərinin təlim prosesinin 
bütün iştirakçıları üçün aydın və sadə formada tətbiq olunması. 
Ardıcıllıq. Qiymətləndirmə prosesinin ardıcıl və sistematik şəkildə həyata 
keçirilməsi. 
30.Qiymətləndirmənin istiqamətlərini qarşılaşdırın. 
Qiymətləndirmənin istiqamətləri ayrı-ayrı forma, məzmun və məqsədə malik 
qiymətləndirmələri nəzərdə tutur. Azərbaycanda qiymətləndirmə üç istiqamət 
üzrə aparılır: 
Beynəlxalq qiymətləndirmə; 
Milli qiymətləndirmə;
Məktəbdaxili qiymətləndirmə.