3. Kartalarni mavzusi (mazmuni) bo‘yicha tasniflash Kartalar mavzusi (mazmuni) bo‘yicha dastlab qo‘yidagi ikki yirik guruhga, ya’ni umumgeografik va mavzuli kartalarga bo‘linadi. Umumgeografik kartada geografik landshaftning tashqi ko‘rinishi tasvirlanadi. Uning geografik mazmuni landshaftning asosiy elementlari-relef, gidrografiya ob’ektlari, tuproq, o‘simlik va grunt ko‘rsatkichlardan iborat bo‘lib, bu elementlar kartaga bir xil aniqlikda va mukammallikda tushiriladi. Mavzuli kartada geografik landshaftning ayrim elementlari boshqa elementlarga nisbatan aniq va mukammal tasvirlanadi. Msalan, relef kartasida asosiy element relef bo‘lib, u aholi punktlari, yo‘llar va boshqalarga karaganda ancha aniq va mukammal ko‘rsatiladi. Kartada biron tabiiy yoki ijtimoiy hodisa tasvirlansa ham u mavzuli karta deyiladi. Bunday kartalarga tarix kartalari, geologik, iqlim, tuproq kartalari va boshqa kartalarni misol qilib ko‘rsatish mumkin. Mavzuli kartalar dastlab ikkita katta sinfga, sinflar o‘z navbatida turlarga, turlar esa xillarga bo‘linadi. Masalan, mavzuli kartalar eng avvalo ikkita katta sinfga, ya’ni tabiiy (tabiiy-geografik) hodisalar kartalari sinfiga va ijtimoiy (ijtimoiy-iqtisodiy) hodisalar kartalari sinfiga bo‘linadi. Mazkur tasnifni qo‘yidagi sxemada yaqqol tasavvur etish mumkin: Umumgeografik kartalar: -topografik; -obzor-topografik; -obzor. Mavzuli kartalar: Tabiiy hodisalar kartalari: -umumiy tabiiy-geografik; -geologik; -geofizik; -geoximik; -geomorfologik; -meteorologik va iqlim; -okeanologik (okean va dengiz suvlari); -gidrologik (quruqlik usti suvlari); -tuproq; -geobotanik; -zoogeografik va boshqa shu kabi tabiiy-geografik ob’ekt yoki xodsalarni tasvirlaydigan kartalar; 7
