Sanoat korxonalarining barchasida bugungi kunda texnologik jarayonlarning
Yüklə 8,92 Mb. Pdf görüntüsü
|
|
Pnevmtik o‘gartkichlar.
O‘lchanayotgan kattalikni pnevmatik chiqish signaliga o‘zgartirish va ko‘rsatishlarni masofaga uzatish uchun qo‘llaniladigan pnevmatik o‘zgartkichlar ichida kuch kompensatsiyali va siljish kompensatsiyali o‘zgartkichlar yong‘in va portlash xavfi bor korxonalarda keng ishlatiladi. Kuch kompensatsiyali pnevmatik o‘zgartkichlar o‘lchash blokidan sezgir elementining kuchini 20-100 kPa (0,2-1 kgk/sm 2 ) qiymatda bir xillashtirilgan pnevmatik chiqish signalni o‘zgartirish uchun mo‘ljallangan. Pnevmatik kuch o‘zgartkichlarining ishlash prinsipi pnevmatik kuch kompensatsiyasidan foydalanishga asoslangan. Kuch kompensatsiyasiga ega pnevmatik o‘zgartkichning prinsipial sxemasi 30-rasmda ko‘rsatilgan. O‘lchanayotgan parametr o‘lchash blokining sezgir elementiga ta’sir ko‘rsatadi va F mutanosib kuchga aylanadi. F kuch ta’sir qilayotgan richag 1 orqali to‘siq 2 soplo 3 ga nisbatan siljiydi. Soplo 1 va to‘siq orasidagi tirqishning o‘zgarishi natijasida o‘zgarmas kesimli drossel 2 7 orqali keladigan havo bosimi o‘zgaradi. Shu bilan birga, kuchaytirish pnevmorelesining a kamerasidagi bosim ta’sirida membranalar 8 va 9 ning egilishi natijasida kirish 10 1 Soplo – konus naycha (masalan, havo chiqadigan soplo – konus nay). 2 Drossel – yonilg‘i, gaz, bug‘ o‘tishini tartibga solib turuvchi klapan. 66 va chiqish 11 soqqali klapanlarning holati o‘zgaradi. Natijada b va с kameralarda bosim o‘zgaradi. To‘siq 2 silfon 4 ta’sirida soploga nisbatan shunday holatni egallaydiki, silfondagi kuch o‘lchash blokining F kuchiga tenglashib, b va с kameralardagi bosim shunga qarab o‘zgaradi. O‘zgartkich berilgan o‘lchash chegarasiga silfonni richag 5 bo‘ylab siljitish orqali sozlanadi. O‘zgartkichning chiqish signali 20 kPa (0,2 kGk/sm 2 ) – boshlang‘ich bosim nol korrektorning prujinasi 6 yordamida o‘rnatiladi. O‘zgartkich chang, nam va yog‘dan tozalangan havo bilan ta’minlanadi. Havoning nominal bosimi 140±14 kPa. Chiqish signalini 300 metr masofaga uzatish mumkin. O‘zgartkichning aniqlik sinfi 1,0. 30-rasm. Kuchkompensatsiyali pnematik o‘zgartkich sxemasi. Siljish kompensatsiyali o‘zgartkichlar o‘lchash bloki sezgir elementining siljishini 20-100 kPa qiymatda pnevmatik chiqish signaliga o‘zgartirish uchun mo‘ljallangan. 31-rasmda siljish kompensatsiyali sxema bo‘yicha ishlaydigan pnevmatik o‘zgartkichning prinsipial sxemasi ko‘rsatilgan. Ta’minlovchi havo bosimi hamda o‘zgartkich chiqishidagi havo bosimi M 1 va M 2 manometrlar orqali nazorat qilinadi. Birlamchi rele tarkibiga o‘zgarmas kesimli drossel 7, soplo 3 va o‘lchash bloki 1 ning sezgir elementi bilan bog‘langan to‘siq 2 kiradi. Kuchaytirgich ikkita ketma-ket ulangan drossel va silfon turidagi yuritmadan iborat. Drossel tizimi |