Qarışıq təsirlənən generatorların paralel işləməsi.
Bu generatorların paralel iş rejimində dayanıqlı işləyə bilməsi üçün onların ardıcıl təsirlənmə dolaqlarının fırçalara birləşmiş ucları öz aralarında bərabərləşdirici naqil ilə birləşdirilir. Əgər belə naqil olmasa, onda generatorlardan hər hansı birinin yükünün təsadüfi artması sayəsində onun təsirlənmə cərəyanı bir qədər artar, e.h.q. və yük cərəyanı da artar. Beləliklə, generatorların biri çox yüklənər, o birinin isə yükü sıfra qədər azalar və hətta o mühərrik rejiminə də keçə bilər. Bərabərləşdirici naqil olduğu halda yükün təsadüfi artıb-azalması hər iki maşın arasında eyni dərəcədə paylanır və onlar paralel rejimdə dayanıqlı işləyir.
Dostları ilə paylaş: |
