Xxxix fəsil Təbiətşünaslıq elmləri Ümumi hissə a Təbiətşünaslıq təhsilinin əhəmiyyəti

Biol.X.12. Şagird müxtəlif mühitə qarşı orqanizmlərin hərəkətinin adaptiv xüsusiyyətləri barədə mülahizə yürüdə bilər.

Nəticə göz önündədir, əgər şagird:

• 
  Orqanizm üçün skeletin və əzələlərin əhəmiyyəti barədə mülahizə yürüdürsə (məs., dayaq-hərəkətverici, qoruyucu xarakterli);
  
• 
  Modellərdə insan sümüklərini və əzələlərini tanıyır və onların funksiyaları barədə söhbət apara bilirsə;
  
• 
  Eksperiment vasitəsi ilə sümük üçün üzvi və qeyri-üzvi maddələrin əhəmiyyətini müəyyən edirsə;
  
• 
  İnsan skeletində mövcud olan müxtəlif tip sümüklərin birləşmələrini fərqləndirirsə, onların özünəməxsusluqlarını təsvir edirsə, əlavə strukturların (yoğun, qığırdaq və s.) normal hərəkət üçün əhəmiyyəti barədə mülahizə yürüdür, texniki konstruksiyalarda hərəkət birləşmələrinin analoqlarını gətirirsə;
  
• 
  Əzələnin sıxılması mexanizmi barədə söhbət açır, nümayiş etdirmək üçün antaqonist əzələlərin iş prinsipinin modelini yaradırsa (məs., ikibaşlı və üçbaşlı əzələlər);
  
• 
  Quşların skeletinin uçuşla əlaqəli özünəməxsusluqları barədə mülahizə yürüdürsə (məs., içiboş, yüngül sümüklər, bədənin forması, balanslaşdırılmış çəki);
  
• 
  Suda yaşayan heyvanların üzməklə əlaqəli struktur xüsusiyyətləri barədə mülahizə yürüdürsə (məs., bədənin quruluşu, üzgəc);
  
• 
  Bitkilərin hərəkətinin müxtəlif formaları barədə mülahizə yürüdürsə (məs., fototropizm, geotropizm).