SERVİS PROQRAMLAR (service programs) – Kompüterlə işləyən istifadəçiyə əlavə xidmətlər göstərmək və əməliyyat sisteminin imkanlarını genişləndirmək üçün verilən proqramlar.
SEYRƏK İŞIQLANMA (low light) – Düşən işıq axınının istiqamətini izləməyin mümkün olmadığı işıqlanma. Məs., tutqun havada gün işığı ilə işıqlanma, inikas etdirən böyük səthlərin əks etdirdiyi işıqla işıqlandırma və s. S.i.-da aydın bilinən kölgələr olmur, əşya bayağı görünür və obyektin ayrı-ayrı səthləri yalnız ton fərqi ilə verilir.
