BUFFONADA (buffoonery) – 1) Zarafat və komik məziyyətlər üzərində qurulmuş film-tamaşa; 2) Hoqqabazlıq, oyunbazlıq, təlxəklik.
BUKLET (booklet) – Kitabça, broşür. 1) Bir vərəqdə çap olunan, sonradan bir neçə paralel səhifəyə bükülən və kəsilmədən oxunan reklam məhsulu; 2) Teleradio qurumu haqqında müxtəlif biçimli şəkillərin və ən ümumi məlumatlardan ibarət mətnin verildiyi çap məhsulu.
BURAXILIŞ MEXANİZMİ (bandwidth mechanism) – Kinoçəkiliş aparatını işə salmağa, saxlamağa, tək kadrlarla çəkiliş aparmağa imkan verən qurğu.
BURAXILIŞ ZOLAĞININ ENİ (bandwidth) – Audio, yaxud videosiqnalların tezlik diapazonunun yuxarı və aşağı sərhədləri arasındakı fərq. PAL standartında en 5-dən 8 MHs-ə qədər, SECAM standartında isə 7-dən 14 MHs-ə qədər ola bilər.
