Sementin keyfiyyət şərtləri. Sementlər hamısı sortlara bölünmədən satışa buraxılır, sementlərin əsas keyfiyyət göstəriciləri narınlıq dərəcəsindən, bərkiməsinin başlanması və qurtarması vaxtından və sıxan zaman son davamından ibarətdir. Bu göstəricilər hər sement üçün standartlarda dərc edilir.
1.2. Yapışdırıcı materiallar əsasında hazırlanan məmulat
İnşaatda yapışdırıcı materiallar əsasında çoxlu müxtəlif məmulat hazırlanır və bunların da çeşidi ildən ilə genişlənir. Bu məmulatdan hazırda ən çox rast gələn silikat kərpici, sement-qum kirəmiti, asbestsement məmulatı,quru suvaq və gips bəzəkləridir.
Silikat kərpici kvars qumu (92-94%) və sönmüş əhəng (6-8%) qatışığından ibarət olaraq qəliblənib, sonra isə davam kəsb etməsi üçün tiyanlarda buğa verilib hazırlanır. Belə kərpic düz paralelpiped 250x120x65 mm ölçüdə olur. Sıxanda son davamına görə silikat kərpici “200”, “125”, “100” və “75” işarəli markalara bölünür. Silikat kərpici bina tikintisində divar materialı yerində tətbiq edilir.
Sement-qum kirəmiti sement, qum və su qarışığından hazırlanır. Kirəmit üç növdə buraxılır:
1. Kənardan iki zeyi və eninə tərəf bir pipiyi olan novlu kirəmit;
2. Kənarlardan iki zeyi olan novlu kirəmit;
3. Dam beli (damın pipiyi üçün) kirəmiti.
Kirəmitin qüsur cəhəti onun çəkisinin ağır olmasıdır.
Dostları ilə paylaş: |
