Teqvim2013. pdf

58

Siyasət.Hərbi iş

90 

illiyi

Tofiq Ağahüseynov 

1923  

 

FEVRAL

Tofiq Yaqub oğlu Ağahüseynov 

1923-cü il fevral ayının 1-də Nuxada 

(indiki Şəki) anadan olmuşdur. 

Yeddi yaşında olanda ailəliklə Bakıya 

köçmüş, orta məktəbi Bakıda bitirmiş-

dir. 1941-ci ilin sentyabrında Bakı Zenit 

Artilleriya Məktəbinə daxil olmuş, bir il 

yarımdan sonra leytenant rütbəsi almış 

və Bakıdan ayrılmalı olmuşdur. 

1-ci Belarusiya cəbhəsində vzvod-

komandiri,  əlahiddə zenit artille-

riyası divizionu qərargah rəisinin 

köməkçisi olmuş, Visla-Oder və Ber-

lin  əməliyyatlarında iştirak etmişdir. 

Müharibə bitdikdən sonra Tofiq Ağahü-

seynovun qulluq etdiyi diviziya 1946-cı 

ilin oktyabrına qədər Almaniyada qal-

mışdır. 

Onun sağlamlığı,  fiziki hazırlığı, 

ətrafındakılara münasibəti, cəsarəti, 

dönməzliyi, xüsusilə  də daim biliyini 

artırması gələcəkdə böyük hərbçi olaca-

ğına yol açan faktorlardan idi. 1949-cu 

ildə F.E.Dzerjinski adına Hərbi Akade-

miyaya, bunun ardınca Hərbi Artilleriya 

Akademiyasına daxil olmuşdur. 

Tofiq Ağahüseynov 1960-64-cü 

illərdə Hövsanda yerləşən Hava Hücu-

mundan Müdafiə polkuna komandirlik 

etmiş, 1964-cü ilin sonlarında Volqoq-

rada göndərilmiş  və diviziya komandi-

ri kimi orada çalışmışdır. 1968-ci ildə 

general-mayor rütbəsi almışdır. 1969-cu 

ildən Rostovda korpus komandiri təyin 

edilmişdir. 

1972-ci ildə general-leytenant rütbəsi 

almış və 1975-ci ildə Bakı Dairəsi Hava 

Hücumundan Müdafiə Komandanının 

birinci müavini təyin edilmişdir. 1980-

ci ildə general-polkovnik rütbəsini 

alan Tofiq Ağahüseynova həm də Bakı 

Dairəsi Hava Hücumundan Müdafiə 

Komandanı vəzifəsi həvalə edilmişdir. 

O, SSRİ Silahlı Qüvvələrində 

general-polkovnik rütbəsi alan ilk 

azərbaycanlıdır. Tofiq Ağahüseyno-

va 1982-ci ildə daha böyük bir vəzifə 

həvalə etmişdilər. O, Varşava Müqaviləsi 

dövlətlərinin birləşmiş silahlı qüvvələri 

baş komandanlığının Çexoslovakiyada-

kı nümayəndəsi təyin olunmuşdur. Ulu 

öndər Heydər  Əliyevin 1997-ci il 17 

aprel tarixli Sərəncamı ilə Tofiq Ağa-

hüseynov Prezidentin Hərbi Məsələlər 

üzrə köməkçisi təyin olunmuşdur. Eyni 

zamanda, general-polkovnik rütbəsində 

Azərbaycan Milli Ordusu sıralarına 

bərpa edilmişdir. Bu zaman onun 74 

yaşı var idi. 

Müharibə illərində  və sonralar 

dövlətin ali mükafatlarına, orden və me-

dallara layiq görülüb. “Qırmızı Bayraq”, 

“Oktyabr  İnqilabı”, “Birinci Dərəcəli 

Vətən Müharibəsi”, “Qırmızı Ulduz” 

ordenləri onun yaxasını bəzəyib. 

O, üç çağırış Azərbaycan SSR Ali 

Sovetinin deputatı seçilmişdir. Prezi-

dent İlham Əliyevin 1 fevral 2008-ci il 

tarixli Sərəncamı ilə Tofiq Ağahüsey-

nov Azərbaycanda hərbi qulluqçuluq 

sahəsindəki xidmətlərinə görə “Şöhrət” 

ordeni ilə təltif olunmuşdur.