Telekommunikatsiya injiniringi kafedrasi. 2022/2023-o‘quv yilida Telekommunikatsiya injiniringi kafedrasining bitiruvchilar bilan o‘tkazilgan yig‘ilish natijalariga ko‘ra kunduzgi Telekommunikatsiya texnologiyalari (“Telekommunikatsiyalar”) bakalavriat ta’lim yo‘nalishining jami 66 nafar bitiruvchilaridan 43 nafari ta’lim yo‘nalishi bo‘yicha fanlararo yakuniy attestatsiya sinovi topshirish istagini, 23 nafari esa bitiruv malakaviy ish tayyorlash istagini bildirgan.
Sirtqi Telekommunikatsiya texnologiyalari (“Telekommunikatsiyalar”) bakalavriat ta’lim yo‘nalishining jami 47 nafar bitiruvchilaridan 43 nafari ta’lim yo‘nalishi bo‘yicha fanlararo yakuniy attestatsiya sinovi topshirish istagini, 4 nafari esa bitiruv malakaviy ish tayyorlash istagini bildirgan.
Kafedra tomonidan bakalavriat ta’lim yo‘nalishi bo‘yicha fanlararo yakuniy attestatsiya sinovini o‘tkazish bo‘yicha dastur ishlab chiqilgan hamda bitiruv malakaviy ishlarning mavzular banki shakllantirilgan (ro‘yxat ilova qilinadi).
Axborot texnologiyalari kafedrasi. 2022-yil 26-oktabrda bo‘lib o‘tgan Axborot texnologiyalari kafedrasining 3-sonli yig‘ilishida bitiruvchi talabalarni bitiruv malakaviy ish tayyorlamoqchi bo‘lgan talabalar uchun shakllantirilgan mavzular va ushbu mavzularni ekspertizadan o‘tkazish hamda ilmiy rahbarlar tayinlanganligi muhokama qilindi (ro‘yxat ilova qilinadi).
Axborot xavfsizligi kaferdasi.Axborot xavfsizligi kaferdasida joriy 2022-2023 o‘quv yilida “Axborot xavfsizligi yo‘nalishi bo‘yicha” jami 34 nafar bitiruvchilar bo‘lib, ulardan 28 nafari 640-19 o‘zbek va 6 nafari 642-19 rus guruhlari bitiruvchilari.
Yakuniy davlat attestatsiyasi shaklini o‘tkazish bo‘yicha bitiruvchilar o‘rtasida o‘tkazilgan so‘rovnomaga asosan bitiruvchi talabalarning 10 nafari bitiruv malakaviy ishi himoya qilishni, 24 nafari esa mutaxxasislik fanlaridan imtihon topshirishni tanlagan.
Yakuniy davlat attestatsiyasi sifatida BMI himoyasini tanlagan 10 nafar talabalarga BMI mavzulari va rahbarlar biriktirildi (ro‘yxat ilova qilinadi).
Ushbu masala yuzasidan direktori o‘rinbosarlari I. Tojiboyev va B.Polvonov, fakultet dekanlari O.Otaqulov va F.Muxtarovlar fikr-mulohaza bildirdilar.
