Sxem 6 AMİN TURŞULAR
Amin və karboksil qruplarının sayına görə aminturşuları radikalların yükü
və polyarlığından asılı olaraq aşağıdakılara təsnif olunurlar:
1. Qeyri-polyar hidrofob (qlisin, alanin, valin, leysin, izoleysin, prolin,
fenilalanin, triptofan, metionin);
2. Polyar, yüklənməmiş (serin, treonin, sistein, tirozin, asparagin,
qlutamin);
3. Polyar, müsbət yüklənmiş (lizin, arginin, histidin);
4. Polyar, mənfı yüklənmiş (pH 6-7 olduqda, yəni pH –ın hüceyrə
daxilindəki mühitə uyğun olan qiymətlərində) – asparagin və qlutamin turşuları.
Alimlər sübut etmişlər ki, irsiyyətin nəsildən nəslə verilməsi zülalların
biosinetezi nəticəsində həyata keçirilir. Orqanizmlərin həyat fəaliyyəti və
inkişafı üçün lazım olan fermentlər və zülalların sintezi əsasən interfazanın
birinci mərhələsində, yəni DNT-nin replikasiyasına qədər baş verir. Zülal sintezi
üçün lazım olan komponentlərə DNT (genlər), iRNT, nRNT, ribosomlar, amin
turşuları, RNT–polimeraza fermenti, fermentlər, ATF (adenozinterifosfat), QTF
(quanozintrifosfat), maqnezium ionları aiddir. Zülal sintezi prosesi əsasən iki
mərhələdə – transkripsiyada və – translyasiyada baş verir.
|
