Fяxrяddиn mustafayev

Əliyev Elxan Allahverdi oğlu  
(1938) 
 
Elxan  Əliyev  (1938)  –  1962-ci  ildə  ADAU-nun 
baytarlıq  təbabəti  fakültəsini  fərqlənmə  diplomu  ilə 
bitirdikdən  sonra  1964-cü  ilə  qədər  Şamaxı  rayonunun 
Əlibayramov  adına  ətçilik-sudçülük  sovxozunda  baş 
baytar  həkimi,  1966-cı  ildə  Respublika  Baytarlıq 
Laboratoriyasında  baş  epizootik  baytar  həkimi  və 
direktor  əvəzi  vəzifələrində  işləmişdir.  O,  1966-cı  ildə 
Az  ETBL–da  baytarlıq  mikrobiologiyası  üzrə  əyani  aspiranturaya  daxil  olub 
1969-cu  ildə  ―Zebuların  brusellyozu‖  mövzusunda  dissertasiya  işini    müdafiə 
edərək  baytarlıq  elmləri  namizədi  elmi  dərəcəsi  almışdır.  1968-1976-cı  illərdə 
Az  ETBL-nun  ―Brusellyoz  və  qaramalın  yoluxucu  xəstəliklərini  öyrənən 
şöbə‖də  baş  elmi  işçi,  1976-1982-ci  illərdə    ―Brusellyoz‖  laboratoriyasının 
müdiri, 1982-1987-ci illərdə isə həmin institutun direktor müavini və brusellyoz 
laboratoriyasının  müdiri  vəzifələrində  çalışmışdır.  1980-cı  ildə  Azərbaycan  KP 
MK yanında Marksizm-Leninizm Universitetinin partiya quruculuğu fakültəsini, 
1986-cı ildə isə Mockvada Aqrar-sənaye Kompleksini İdarəetmə Ali Məktəbini 
bitirmişdir.  1987-ci  ilin  mayında  Mockvada  Ümumittifaq  Eksperimental 
Baytarlıq  İnstitutunda  ―Camışların,  zebu  və  qoyunların  brusellyozu‖ 
mövzusunda  baytarlıq  elmləri  doktoru    alimlik  dərəcəsi  üzrə  dissertasiya 
müdafiə  etmişdir.  E.Əliyev  sabiq  SSRİ  məkanında  kənd  təsərrüfatı 
heyvanlarının brusellyoz xəstəliyinin öyrənilməsi sahəsində fundamental tətbiqi 
xarakterli,  çox  böyük  elmi  praktiki  və  nəzəri    əhəmiyyətli  tədqiqatlar  aparan 
məşhur  alimlərdən  biri  olmaqla,  həm  də  dünyada  ilk  dəfə  olaraq  bisteriozun 
seroloji diaqnostikası üçün rəngli antigenin ilk müəllifidir. Bu diaqnostika üsulu 
tibbi təcrübədə də geniş istifadə olunur. O, 3 elmi ixtiranın, 2 monoqrafiyanın, 3 
kitabın, bir elmi-populyar filmin və 60 elmi əsərin və tövsiyyələrin müəllifidir, 
1979-cu  ildə  XXI  Beynəlxalq  Baytarlıq  Konqresinin  iştirakçısı  olmuş  və 
diploma  layiq  görülmüşdür.  Alimin  Azərbaycan  zebusu  və  onun  yüksək 
məhsuldar  qaramal  cinsləri  ilə  mələzlərinin,  ölkəmizdə  yetişdirilən  müxtəlif 
qoyun  cinslərinin  və  mələzlərinin  eksperimental  və  təbii  yoluxma  şəraitində 
brusellyoza  davamlılıq  istiqamətində  apardığı  unikal  tədqiqatlar  təhlükəli 
yoluxucu  xəstəliklərə  davamlı  yeni  cins  və  mələzlərin  yaradılmasında  istifadə 
oluna  bilər.  Onun  alimlik  təcrübəsi  və  təşkilatçılıq  qabiliyyəti  nəzərə  alınaraq 
1987-ci  ilin  iyununda  Azərbaycan  Respublikasının  Dövlət  Aqrar-Sənaye 
Komitəsində Baş Elm və Təbliğat İdarəsində və sonra Elm və kadrlar idarəsində 
rəis müavini vəzifələrinə təyin olunmuşdur. O, 1989-1991-ci illərdə Azərbaycan 
KP  MK-da  aqrar  məsələlər  üzrə  məsləhətçi  və  MK-nın  birinci  katibinin  aqrar 
siyasət  üzrə  köməkçisi  vəzifələrində  çalışmışdır.  O,  1991-ci  ilin  sentyabrında 
Respublika Prezidentinin Fərmanı ilə Şəmkir rayon İcra Hakimiyyətinin başçısı 
təyin  edilmiş  və  1992-ci  ilin  iyun  ayında  başqa  işə  keçməsi  ilə  əlaqədar  olaraq 

---

 
86 
həmin  vəzifədən  azad  olunmuşdur.  1993-cü  ilin  mayından  Respublika  
Prezidentinin  Sərəncamı  ilə  o,  Nazirlər  Kabineti  yanında  Dövlət  Baytarlıq 
Komitəsi  sədrinin  birinci  müavini  təyin  edilmiş,  1995-ci  ildən  isə,  Kənd 
Təsərrüfatı  Nazirliyinin  Beynəlxalq  əməkdaşlıq  şöbəsinin  müdiri  vəzifəsində 
çalışmışdır. ―Əmək igidliyinə görə‖ və ―Tərəqqi‖ medalları ilə təltif edilmişdir.