Yalançı irsiyyət – yeni nəsildə patogen agentlərin (mikroorqanizmlər,
viruslar, göbələklər) və ekzogen maddələrin təsirindən yaranmaqla orqanizmin
geninin həmin amillərə qarşı çox həssas olması ilə səciyyələnir. Bu növ irsiyyət
əsasən yaşıl kərtənkələdə, çəyirtkədə, kəpənək və qurdlarda müşahidə olunur və
bir növ qoruyucu xarakter daşıyır.
Keçid irsiyyət – həqiqi və yalançı irsiyyəti özündə cəmləşdirməklə əsasən
infuzorlarda müşahidə edilir.
Kənd təsərrüfatı heyvanları və quşlarında 2 cür irsi əlamət (keyfiyyət və
kəmiyyət) mövcud olmaqla onlar müxtəlif morfofunksional və təsərrüfat
əhəmiyyətinə görə bir-birindən fərqlənir. Həmin əlamətlərin əksəriyyəti
heyvandarlıqda yüksək məhsuldar növ, cins və xətlərin təkmilləşdirilməsində,
seleksiya və damazlıq işlərində çox önəmli əhəmiyyət kəsb edir. Müstəsna hallarda
bəzi irsi əlamətlər seleksiya zamanı praktiki cəhətdən səmərəsiz olur.
