Təşkilati baxımdan fərdi satış aşağıdakı formalarda ola bilər:
1. Ticarət agenti şəxsi satış prosesində bir alıcı itə əlaqə qurur – Qeyd etmək lazımdır ki, ticarət agenti (ticarət nümayəndəsi, kommivoyajer) bütün kommunikasiya-satış prosesinin mərkəzi fıquru hesab olunur. Kommivoyajerin ünsiyyətə girmək bacarığı, alıcının psixologiyasını bilməsi, həyat təcrübəsi və peşə hazırlığı bu prosesin müvəffəqiyyətini müəyyənləşdirən əsas amillərdir.
Satış və kommunikasiya fəaliyyətini şəxsi satış üzərində quran iri firmalardan biri «Eyvon prodaktsink» firmasıdır. İllik dövriyyəsi 3 mlrd. dollardan çox olan Amerikanın by sənaye-ticarət firması kosmetika və bijuteriya istehsalı və satışı üzrə dünyada aparıcı yerlərdən birini tutur. Praktiki olaraq firmanın bütün satışı qadın-ticarət agentləri vasitəsilə (onları «miss Eyvon» adlandırırlar) həyata keçirilir. Onların ümumi sayı 1,2 mln. nəfərə çatır. Onlar daimi olaraq ABŞ-ın və dünyanın 30-dan çox digər ölkələrinin 10 mln-a yaxın evdar qadınlarına baş çəkirlər. Öz gəlişləri zamanı «miss Eyvon»lar evlərdə əmtəə nümunələrini və fotoşəkilli rəngbərəng kataloqları nümayiş etdirir və hər bir əmtəə növü haqqında geniş izahat verirlər. Qəbul edilən sifarişlər 6 gün ərzində yerinə yetirilir. Bu zaman ticarət agenti hər bir əmtəə vahidi üçün firmanın müştəri üçün təyin etdiyi satış qiyməti ilə ticarət agenti üçün təyin etdiyi satış qiyməti arasındakı fərq əsasında müəyyən edilən komission mükafatını əldə edir.
Azərbaycan bazarında bu istiqamətdə «Orifleym» firmasının apardığı fəaliyyəti təqdirə layiq hesab etmək olar.
