Besh muhim tashabbus

Ikkinchi tashabbus
yoshlarni jismoniy chiniqtirish, ularning sport sohasida 
qobiliyatini namoyon qilishlari uchun zarur sharoitlar yaratishga yo‘naltirilgan. 
Uchinchi tashabbus
aholi va yoshlar o‘rtasida kompyuter texnologiyalari va 
internetdan samarali foydalanishni tashkil etishga qaratilgan. 
To‘rtinchi tashabbus
yoshlar ma'naviyatini yuksaltirish, ular o‘rtasida 
kitobxonlikni keng targ‘ib qilish bo‘yicha tizimli ishlarni tashkil etishga 
yo‘naltirilgan. 
Beshinchi tashabbus
xotin-qizlarni ish bilan ta'minlash masalalarini nazarda 
tutadi. 

---

` 
111 
«Zamonaviy dunyoda innovatsion tadqiqotlar: Nazariya 
va amaliyot» nomli ilmiy, masofaviy, onlayn konferensiya 
Mazkur 5 tashabbus keng jamoatchilik tomonidan katta qiziqish bilan kutib 
olindi. Endilikda ushbu tajribani yurtimizning barcha hududlarida keng joriy 
qilish masalalarida keng ishlar amalga oshirilmoqda. 
Madaniyat vazirligi va Xalq ta'limi vazirligiga hokimliklar bilan birgalikda tuman 
va shaharlarda madaniyat markazlari va umumta'lim maktablarida yoshlarning 
qiziqishidan kelib chiqib, qo‘shimcha 1,5 mingta to‘garak tashkil etish vazifasi 
muhim qilib qo’yildi va yurtimiz rahbari tomonidan ko’plab yangiliklar va 
islohotlar amalga oshirildi. 
Tashabbuskor iste'dodli yoshlar va mahalliy homiylarni jalb etgan holda, 
madaniyat markazlarida badiiy-havaskorlik jamoalari, yoshlar teatr-studiyalari 
va “Yoshlar klublari” tashkil qilish zarurligi ta'kidlandi. 
Taniqli san'atkor va iste'dodli ijodkorlarni tumanlardagi madaniy ishlarga 
ko‘makchi sifatida biriktirish yaxshi natija berayotganini inobatga olib, bu 
tajribani butun mamlakatga yoyish bo‘yicha ko‘rsatmalar berildi. Unga muvofiq, 
taniqli artistlar tuman va shaharlarga ijodiy maslahatchi sifatida biriktirilib, 
o‘sha joylarda madaniyat va san'atni rivojlantirishga mas'ul bo‘ladi, tuman va 
shaharlar hokimlari esa ushbu ishlarga moddiy va tashkiliy jihatdan yordam 
beradi. Musiqa va san'at sohasida oliy ma'lumotli kadrlarni ko‘paytirish 
masalasiga ham katta e'tibor qaratildi. 
Oliy va o‘rta maxsus ta'lim hamda Xalq ta'limi vazirliklariga muayyan mavzular 
bo‘yicha tarix darslarini muzeylar, tarixiy obidalar, qadamjo va teatrlarda sayyor 
o‘tkazilishini tashkil qilish topshirildi. 
Joylardagi sport maktablariga xalqaro musobaqalarda g‘olib bo‘lgan taniqli 
sportchilarni rahbar etib tayinlash, shuningdek, sportchilarni oliy o‘quv 
yurtlarining maxsus sirtqi bo‘limlarida maqsadli o‘qitish yaxshi natija berishi 
qayd etildi. Bolalar va o‘smirlar sport maktablari sonini ko‘paytirish yuzasidan 
topshiriqlar berildi va ular amalga oshirilmoqda. 
Shuningdek ushbu tashabbuslarning negizida yoshlarni internetdagi zararli 
xurujlardan asrash, ularni axborot texnologiyalaridan unumli foydalanishga 
o‘rgatish masalalariga ham alohida ahamiyat qaratilgan. 
Xulosa qilib aytganda ushbu tashabbuslar yoshlarni yuksalishiga va yangi 
marralarni zabt etishiga yanada katta yo’l va imkoniyatlar ochib beradi. Eng 
muhimi yoshlarmiz bu tashabbuslarni anglagan holda, ulardan unumli 
foydalanib , yurtimiz ravnaqiga o’z hissalarini qo’shishsa nur ustiga a’lo nur 
bo’ladi.