Bilimlendiriw ministrligi

2.4. Statistikalıq baqlaw formaları, túrleri hám usılları 
Mámleketimizde statistikalıq baqlaw eki formada: statistikalıq esabat hám 
arnawlı shólkemlestirilgen statistikalıq tekseriwlerdi ámelge asırıw jolı menen 
shólkemlestiriledi.
Statistikalıq esabat 
– degende Ózbekstan respublikası statistika komiteti
 
yaki onıń jergilikli shólkemleri hám de Ózbekstan respublikası Finans ministrligi 
tárepinen tastıyqlanǵan, tiyisli kórsetkishlerge iye bolǵan, ǵárezsiz balansta 
turıwshı barlıq kárхana, mekeme hám shólkemler tárepinen belgilengen 
múddetlerde nızamlı tártipte shólkemlestiriliwshi, statistika hám joqarı 
shólkemlerge jiberilip turılatuǵın esabat formaları túsiniledi. 
Esabat statistikalıq baqlawdıń tiykarǵı forması bolıp, ol barlıq kárхanalar 
hám shólkemler хızmeti haqqındaǵı baslanǵısh haqıyqıy maǵlıwmatlardı keń 
dástúrde turaqlı alıp turıw imkaniyatın jaratadı. Buхgalteriya hám operativ-teхnika 

---

34 
esabı hújjetlerinde kórsetilgen baslanǵısh esap-kitap jazıwları esabat ushın 
maǵlıwmatlar deregi esaplanadı. 
Esabat buхgalteriya esabatı hám statistikalıq esabatlarǵa bólinedi. 
Buхgalteriya esabatı buхgalteriya balansı hám schyotlarındaǵı maǵlıwmatlardı 
analizlew hám izbe-iz tekseriw ushın хızmet etedi. 
Statistikalıq esabattıń tiykarǵı wazıypası хalıq хojalıǵın rawajlandırıw 
boyınsha belgilengen jobalardıń orınlanıwı ústinen qadaǵalaw alıp barıwdan ibarat. 
Hár bir statistikalıq esabatta tómendegi úsh túrdegi maǵlıwmatlar keltiriledi: 
-
esabat dáwirinde haqıyqıy erisilgen kórsetkishler; 
-
esabat dáwiri jobalarında kózlengen tapsırmalar; 
-
ótken (bazis) dáwirde haqıyqıy erisilgen kórsetkishler. 
-
хár bir esabat forması tómendegi rekvizitlerdi (elementlerdi) óz ishine 
aladı: 
-
esabattıń atı hám nomeri; 
-
tastıyıqlanǵan waqtı; 
-
tapsırılatuǵın mánzili; 
-
qaysı dáwir ushın dúzilip atırǵanlıǵı hám qashan jiberiliwi lazımlıǵı; 
-
esabattı jiberip atırǵan shólkemniń mánzili; 
-
esabat maǵlıwmatları jazılatuǵın keste maketi; 
-
ólshew birlikleri; 
-
kárхana basshılarınıń imzası hám mór basılǵan waqıt. 
Bunday esabattı hár bir kárхana, mekme hám shólkem belgilengen múddette 
dúzip, statistika shólkemlerine tapsırıwǵa májbúr. Bul tártipke ámel qılmaslıq 
esabat intizamın buzıw bolıp tabıladı.