Bilimlendiriw ministrligi

Tiykarǵı kapital (tiykarǵı fondlar) 
– miynet qurallarında tábiyǵiy kóriniske iye 
bolǵan óndiris kapitalınıń bir bólimi, óndiristiń birneshe dáwirlerinde xızmet 
yetedi, aqırına shekem tábiyǵıy formasın saqlap qaladı, qunın amortizaciya 
kórinisinde punktler boyınsha ónimge ótkizedi, bul amortizaciya esabınan qayta 
tiklenedi hám firmaǵa, tovardı satıw boyınsha qaytarıladı (orınlar, imaratlar, 
mashinalar, stanoklar, áabaplar). 

---

215 
Tólem balansı 
– mámlekettıń sırtqı ekonomikalıq baylanıslarınıń belgili waqıt 
aralıǵı boyınsha mámleketke kelip túsken (tólem balansınıń aktiv bólegı) hám 
mámleketten sırtqı ótkerilgen (tólem balansınıń passiv bólegı) tólemler 
qatnasıǵınıń házirgi jaǵdayın sáwlelendiredi. 
Tutınıw 
– insannıń mútájliklerin qanaatlandırıw ushın baylıqlardan paydalanıw 
bolıp esaplanadı. Jeke tutınıw –insannıń jeke turmıslıq háreketin táminlew ushın
tovar hám xızmetlerden paydalanıw. Islep shıǵarıw tutınıwı –adamlar ushın zárúr 
tovar jaratıw procesinde resurslardan paydalanıw.
Úy xojalıǵı 
– ekonomikanıń tutınıw tarawında ámel etiwshi ekonomikalıq birlik. 
Ol bir yamasa birneshe shaxstan ibarat bolıwı múmkin. Ol insan kapitalınıń islep 
shıǵarıw hám tákirar islep shıǵarıwdı támiyinleydi, ǵárezsiz qarar qabıl etiw, bazar 
ekonomikasında óndiristiń qanday da bir faktorınıń táminlewshisi hám múlikdarı 
esaplanadı, jeke mútájliklerdi tolıq qanaatlandırıwǵa háreket etedi (paydanı 
arttırıwǵa emes). 
Variaciya
– óz-ara qarma-qarsı faktorlar tásirinde bolǵan, bir túrdegi birliklerden 
quralǵan toplam birlikleri ortasındaǵı parqı, ózgeriwsheńligi. 
Xalıq aralıq ekonomikalıq integraciya 
– siyasiy ǵárezsizligi saqlanǵan túrde 
uluwma ekonomikalıq maqsetlerdı gózlegen mámleketlerdıń birlesiwi.