«Integraciya» túsinigi. Baslawısh klaslarda integraciyalasqan sabaqlardı shólkemlestiriw

«Integraciya» túsinigi. Baslawısh klaslarda integraciyalasqan sabaqlardı shólkemlestiriw.
Barlıq tálim túrlerindegi sıyaqlı baslawısh tálimde de sır emes, óziniń sheshimin kútip turǵan máseleler oǵada kóp. Ulıwma bilim beriw mekteplerin, az komplektli baslawısh mekteplerdi joqarı bilimli qánigeler menen tolıqtırıw, imlanı jetilistiriw, baslawısh klass sabaqlıqlarındaǵı kemshiliklerdi saplastırıw, zamanagóy talaplarǵa sáykes qollanbalar jaratıw, jańa pedagogikalıq texnologiyalar, multimediyalardı qollana alatuǵın, mediatálimdi pedagogikalıq proceslerge en jaydıra alatuǵın bilimli, qábiletli, dóretiwsheń hám kompetentlikke iye baslawısh klass muǵallimlerin tayarlap beriwde Ájiniyaz atındaǵı Nókis mámleketlik pedagogikalıq institutımız bárqulla aldıńǵı saplarda turadı. Sebebi baslawısh tálimde nátiyjeli tálim alǵan balanıń joqarı klaslardaǵı fundamental, dúnyalıq bilimlerdi ózlestiriwi nátiyjeli keshedi. Yaǵnıy baslawısh tálim barlıq bilimlerdiń bası hám fundamenti bolıp xızmet etedi. Solay eken, bilimlendiriw tarawındaǵı modernizaciyalawdı baslawısh tálimnen baslaw maqsetke muwapıq eken bul islerdiń nátiyjeliligin asırıw jollarınıń biri baslawısh klaslar ushın maman kadrlar tayarlawdan ibarat.
Integraciya – bóleklerdi bir pútinge aylandırıw hám olardı birlestiriw,qosıw hám bir-birine almastırıw háreketi. Búgingi kúnde integraciya sózi tiykarınan social, regionlıq, ekonomikalıq, diniy, shólkemlestirilgen integraciya hám basqalar sıyaqlı túrli tarawlardı óz ishine alatuǵın social túsinik retinde isletiledi.
Hár qanday kompaniya yamasa shólkem social organizmniń forması esaplanadı. Bul tariypke kóre, integraciya insan resursları, materiallıq resurslar hám kompyuter resurslarin birden-bir social sistema yamasa organizmge qosıw, birlestiriw hám jańalawdıń turaqlı basqarıw funktsiyasın quraydı. Integraciya basqıshları tómendegishe:

• 
  Jumısqa qabıllaw
  
• 
  Tańlaw
  
• 
  Kirisiw
  
• 
  Rawajlanıw