İslam İnqilabının Böyük Rəhbəri həzrət Ayətullah Seyid Əli Xameneinin elm və elm istehsalı barədə çıxışlarından seçmələr Birinci cild

Müsəlmanların sui-istifadə etmədən elmi inkişaf etdirməsi

Bir zaman dünya elminin mərkəzi İslam idi, amma İslam dünyası elmə malik olduğuna görə gedib məsələn, Avropanı, Afrikanı, yaxud başqa bir bölgəni müstəmləkəyə çevirmədi. Bu elm genişlənib hər yerə çatdı və hamı ondan istifadə etdi.²⁸⁷

Qərb elminin inkişafında İslam dünyasının rolu

Hansı səmavi kitabın birinci müraciətində elmə, qələmə, təlimə diqqət yetirilmiş və əhəmiyyətli yanaşılmışdır. Əgər bu gün Qərb dünyasının elm işində və elmi inkişafda müvəffəqiyyəti varsa, hansı insaflı tarixçi və alim bunu İslam dünyasından götürdüyünü təsdiq etməz?! Qərb dünyasının və Avropanın qaranlıq və zülmət çağı olan Orta əsrlər İslam dünyasında elm, ağıl, düşüncə, fəlsəfə, ibn sinalar, farabilər dövrüdür.²⁸⁸