İslam İnqilabının Böyük Rəhbəri həzrət Ayətullah Seyid Əli Xameneinin elm və elm istehsalı barədə çıxışlarından seçmələr Birinci cild

Elmi gerilik - zalım şahların hökmranlığının nəticəsi

Biz uzun illər azğın və asılı hökumətlərin hökmranlığı səbəbindən beynəlxalq rəqabətlərdən kənar qalmışdıq. Bir zaman elm və mədəniyyətin öncülü olan İran xalqı zalım şahların və xalqdan uzaq qüvvələrin hökmranlığı səbəbindən elə vəziyyətə düşdü ki, dünyada elmi və siyasi müsabiqənin başlandığı təxminən 200 il öncədən bu tərəfə yarışdan kənarda qaldı. Xalqların müsabiqəsinə qoşulmayan bir xalqın isə təbii olaraq istedadları əriyir və uğurları dəyərsiz olur.⁴¹⁹