İslam İnqilabının Böyük Rəhbəri həzrət Ayətullah Seyid Əli Xameneinin elm və elm istehsalı barədə çıxışlarından seçmələr Birinci cild

Əmirəlmömininin (ə) sözündə elmin iqtidar amili olması

Əmirəlmöminindən (ə) nəql olunan bir hədisdə buyurulur: “Elm şahlıqdır; ona malik olan hökm verər, malik olmayana isə başqaları hökm verərlər”.⁶²⁰ Elmə yiyələnən adam hökmranlıq edə bilər. Elmli xalq hökmranlıq edə bilər. Elm sarıdan əliboş xalq isə özünü digərlərinin hökmranlığına hazır etməlidir.⁶²¹

Ölkədə elmin çiçəklənməsi üçün istedadların işlədilməsi

Milli iqtidar amili olan elmi hamı ciddi saymalı və onunla məşğul olmalıdır. Xalqı elmsiz olan bir ölkə heç zaman öz hüququnu əldə edə bilməz. Elmi digərlərindən dilənmək olmaz. Elm daxildən törəməlidir. Bir xalqın istedadları işləməlidir ki, sözün həqiqi mənasında alim olsun.⁶²²