Bitki və heyvan mənşəli yeyinti yağlarının istehsal texnologiyası
Sümük yağının kimyəvi tərkibi və xassələri emal olunan sümüyün növündən asılıdır. Təzə sümükdən alınan sümük yağı əridilmiş kərə yağına oxşayır. Rəngi açıq sarı və xoş tamlı olur. Keyfiyyət göstəricilərindən asılı olaraq sümük yağı əla və 1-ci əmtəə sortuna ayrılır.
Əla sort sümük yağı ağ rəngdən açıq sarı rəngə qədər olur. 1-ci sortda isə bozumtul rəngin olmasına icazə verilir. Ərinmiş halda sümük yağı tam şəffafdır. 15-200C-də yağın konsistensiyası duru və bəzən yaxıntılıdır. Əla sort sümük yağındasu 0,25%, 1-ci sortda 0,3%, turşuluq ədədi uyğun olaraq 1,2 və 2,2-dir. Sümük yağı 35-450C-də əriyir. 500C-də şüasındırma əmsalı 1,4555-1,4557, yod ədədi 49,1-56,6, sabunlaşma ədədi 190,1-195,6-dır.
Yığma yağ əla və 1-ci sort yağların əridilməsindən alınan cız-daqdan istehsal edilir. Eyni zamanda kolbasa istehsalında istifadə edil-məmiş qalan xam piylər və keyfiyyətinə görə əla və 1-ci sort yeyinti yağ-larının tələbinə uyğun olmayan yağlar da yığma yağ istehsalında istifadə edilir.
Əsas xammallardan asılı olaraq 15-200C yığma yağ duru, yaxıntılı və ya bərk konsistensiyalı ola bilər. Bu yağın rəngi ağ və müxtəlif çalarlı tünd sarımtıl olur. Əmtəə sortlarına ayrılmır. Tərkibində 0,5% su vardır. Turşuluq ədədi 3,5-dir. Texniki məqsədlər üçün istifadə edilir.
Sənayedə az miqdarda at yağı, ördək, qaz və toyuq yağları da isteh-sal edilir.
Fraksiya üsulu ilə əritmə aparıldıqda mal və qoyun piyindən mar-qarin sənayesində xammal kimi istifadə olunan oleo məhsullardan oleo-oyl və şip-oyl əldə edilir. Bu yağların ərimə temperaturu 360C-dən aşağıdır.
