793) Göstərilənlərdən hansı stasionar tipli müalicə müəssisəsidir?
A) Poliklinika
B) Xəstəxana
C) Qadın məsləhətxanası
D) Həkim məntəqəsi
E) Təcili yardım stansiyası
Stasionar tipli müalicə müəssisələrində müalicə xəstə bu müəssisədə yatdıqda aparılır, bu baxımdan xəstəxana stasionar tipli müalicə müəssisəsi hesab edılır.
Ədəbiyyat: Ədəbiyyat : C.N.Hacıyev ; R.Y. Əliyev. Xəstələrə qulluq. Səh. 19. “ Təhsil ” Bakı 1998.
794) Xəstəlik tarixçəsində olan temperatur vərəqində aşağıda göstərilənlərdən hansıları qeyd olunmalıdır?
A) Nəbz və tənəffüsün sayı
B) Xəstənin hərarətinin dəyişməsi
C) Diurezin miqdarı
D) Arterial təzyiq
E) Hamısı
Xəstəlik tarixçəsi tibb bacısının postunda saxlanılır, onu xəstəyə vermək olmaz. Tibb bacısı xəstənin hərarətinin dəyişməsini, nəbz və tənəffüsün sayını, arterial təzyiqi, diurezin miqdarını qrafik şəkildə xəstəlik tarixçəsində olan temperatur vərəqində qeyd edir.
Ədəbiyyat: Ədəbiyyat : C.N.Hacıyev ; R.Y.Əliyev. Xəstələrə qulluq. Səh. 52. “ Təhsil ” Bakı 1998.
Dostları ilə paylaş: | 
