Bu kitab abş-da Təhsil Almış Məzunlar Asosiasiyasının dəstəyi ilə 2104-cü ildə nəşr olunmuşdur
Yüklə 2,39 Mb. Pdf görüntüsü
|
|
Səsvermə prinsipi
MM-in 107-3-cü maddəsində SC-nin səhmdarların səsverməsinin ümumi prinsipi əks olunub - “Bir səsli səhm - bir səs”. Bu prinsip səhmin bölünməzliyini göstərir, yəni baxmayaraq ki, səhm bir və ya bir neçə şəxsə məxsus ola bilər, o, yalnız bir səsə malikdir. 255 Beləliklə, əgər səhm ümumi paylı mülkiyyətdədirsə, bu zaman onun bütün sahibləri bir səsə malikdirlər. Onların ümumi yığıncaqda səsvermə hüququnu isə yalnız bir şəxs həyata keçirməlidir: ümumi paylı 254 MM-nin 107.6-cü maddəsi 255 Bu prinsipi xirdalanmış səhmlərə də aid etmək olar. Bir səhm bir neçə səhmə xırdalandıqda, həmin xırdalanmış səhmlər əvvəlki vahid səhmin səsinin hissələrinə malik olurlar. Məsələn 1 səsə malik olan 1 səhm 5 səhmə xırdalandıqda, hər xırdalanmış səhm 0.20 səsə malik olur. 166 mülkiyyətin iştirakçılarından biri və ya onların ümumi nümayəndəsi, hər iki halda səlahiyyətli şəxs etibarnamə əsasında fəaliyyət göstərir. “Bir səsli səhm - bir səs” prinsipi korporativ hüququn fundamental prinsiplərindən biri olan mütənasiblik prinsipinin əksidir. Bu prinsipə əsasən bütün korporasiya iştirakçıları (nizamnamə kapitalındakı paylara (səhmlərə) proporsional olaraq) bərabər hüquqa malikdirlər. SC-nin səsli səhmi adətən adi səhm hesab olunur, lakin müəyyən hallarda imtiyazlı səhmlər də ümumi yığıncaqda səs verə bilər. Ümumi yığıncaqda səsvermə hüququna malik olan imtiyazlı səhmlərin sahibləri SC-nin ümumi yığıncağında səsli səhmlərinin sahiblərinə aid olan bütün hüquqlara malikdir. Səhmdarların ümumi yığıncağında səsə qoyulan məsələnin həllində imtiyazlı və adi səhmlərin sahiblərinin səslərinin hesablanması birlikdə həyata keçirilir. MMC iştirakçılarının ümumi yığıncağında hər bir iştirakçı şirkətin nizamnamə kapitalındakı payına mütənasib səsvermə hüququna malikdir. 256 Hər bir iştirakçı şirkətin ümumi yığıncağında iştirak edə bilər, şirkətin orqanlarını seçə (təyin edə), onlara seçilə (təyin oluna) və səsvermədə iştirak edə bilər. İştirakçılar şəxsən iştirak etmək və ya müvafiq qaydada təyin etdiyi nümayəndə vasitəsilə təmsil olunmaq hüququna malikdir. MMC iştirakçılarına aid bu normalar imperativ xarakter daşıyırlar və məhdudlaşdırıla bilməz. İştirakçıların həmin hüquqlarını məhdudlaşdıran hər hansı razılaşmanı və ya hərəkəti qanunvericilik etibarsız hesab edilir. Bununla yanaşı hesab edirik ki, iştirakçıları müvafiq razılaşma ilə öz aralarında ümumi yığıncaqda səsvermələri şərtləşdirə və razılaşdıra bilərlər. Bu növ razılaşma məhdudlaşdırılma kimi deyil əksinə 256 MM-nin 91.1-1 maddəsi 167 iştirakçıların iradələrinə və korporativ maraqlarına uyğun istifadə kimi qiymətləndirilməlidir. Yüklə 2,39 Mb. Dostları ilə paylaş:
|