Bu kitab kimin üçün nəzərdə tutulub

Rədd cavabına dözmək

Əgər siz “ideal” iş axtarır və qarşınızda karyera məqsədləri qurursunuzsa, böyük ehtimalla bu işədüzəlmə səyahətində imtina rastlaşacaqsınız. Əgər siz uzunmüddət işləmirsinizsə, imtina xüsusi ilə pis təsir göstərir. Hər aldığınız rədd cavabı sizin qətiyyətinizi qıra bilər. 4-cü bölmədə biz iş axtarışında mənəvi ruhun saxlanılması üsullarından bəhs etmişdik. Ununtmayın, məqsədlərə çatmaq üçün diqqətinizi səfərbər etməyə çalışmalısınız. Növbəti müraciətinizdə isə hədəfi vura bilərsiniz.

Əks əlaqədən maksimal faydanın götürülməsi

İş axtarışında yadda saxlamaq lazımdır ki, bir çox hallarda göndərdiyiniz tərcümeyi-hallar sizi işə gətirib çıxarmayacaqdır. Bu normal və gözlənilən bir haldır. Bu sizi narahat etməməlidir. Siz elə etməlisiniz ki, tərcümeyi-halınız lazım olan vaxt, lazım olan təşkilata və lazım olan insana çatsın.

Əvvəlcədən qeyd etdiyimiz kimi, telefon dəstəyinə əl atmazdan əvvəl danışığa hazır olmalısınız. Sizin təşkilat haqqında və hansı faydanı verə biləcəyinizə dair dəqiq təsəvvürünuz olmalıdır. Çünki, bütün bunları bilmək təşəbbüs məktubunu üzə çıxarır. Sizin məqsədiniz tərcümeyi-halınızın çatdığından əmin olamq, mövcudluğunuzu xatırlatmaq və telefon vasitəsi ilə bəzi qarşılıqlı əlaqələr qurmaqdır.

Sizin alacağınız cavab o ola bilər ki, hal-hazırda bu təşkilatda sizə münasib olan bir iş yoxdur. Bu anda telefon dəstəyini asmaq lazım deyil. Siz söhbətinizi bir qədər də davam etdirməklə bəzi faydalı məlumatlar əldə edə bilərsiniz:

• 
  siz tərcümeyi-halınıza dair müəyyən şərhlərin edilməsini xahiş edə bilər və oraya əlavə edilmək üçün faydalı məlumatlar əldə edilməsinə çalışa bilərsiniz;
  
• 
  gələcəkdə sizin üçün uyğun ola biləcək vakansiyaların mümkünlüyü barədə soruşmaq;
  
• 
  danışdığınız insandan təşkilatda və ya onun xaricində sizin peşəkar təcrübənizdə maraqlı ola biləcək şəxsləri tanıyıb-tanımadığını soruşa bilərsiniz.
  

Unutmayın ki, nəzakətlə sual verməklə özünüzə heç bir xələl gətirməyəcəksiniz. İdeal variantda isə bu söhbətdən kiminləsə əlaqə qurmaq üçün yeni bir ad və telefonun öyrənilməsinə çalışmaq lazımdır.