Bu kitab kimin üçün nəzərdə tutulub

Ərizə-anketlər
İş axtaran insanlar işə düzəlmək üçün istifadə olunan anketlərə mənfi münasibət bəsləyirlər. Belə ki, dövlət sektorunda verilən bir vakansiya üçün göndərilən anketlərin 70% geri qayıtmamışdır. Bu o deməkdir ki, anket doldurmağa səy göstərməklə, daha qərarsız insanların bu fəaliyyətdən imtina etməsi ilə əlavə şans əldə etmiş olursunuz.

Anketlər, ixtisas və təcrübə ilə əlaqədar sulların cavablandırılmasının vacibliyi ilə əlaqədar ölçüləri hürküdücü (dörd səhifəyə qədər) ola bilər. Düşünməyin ki, siz suallardan yan keçə bilər və sizin anketiniz mütləq ciddi qəbul ediləcəkdir. Anket suallarına bacarıldığı qədər geniş cavab vermək lazımdır.

Anketlərin effektiv doldurulması üsullarını 6-cı bölmə olan “Sizin marketinq materiallarının hazırlanması”nda nəzərdən keçirəcəyik.
Panel müsahibə
Dövlət sektorunda panel müsahibənin keçirilməsi təcrübəsi geniş yayılmışdır. Burada qərar seçim komitəsi tərəfindən verilir. Sizinlə üç və daha çox, bəzən isə iyirmi nəfərdən ibarət qrup müsahibə götürə bilər. Bu qrupun rəhəbəri olmalı, sualı isə oradakı istənilən şəxs verə bilər. Buna görə də müsahibəyə gələrkən seçim qrupunda kimlərin olduğunu dəqiq öyrənmək lazımdır. Cavabınızı ilk növbədə sualı verən şəxsə yönəldin, lakin gözlərinizlə qrupun digər üzvləri ilə əlaqə qurmağa çalışın. İmkan daxilində bütün iştirakçılarla emosional əlaqə qurmağa cəhd göstərin.

Müsahibə aparanların hansınınsa vacib şəxs olduğunu ağlınıza gətirməyin. Namizədlər üçün belə qruplarda oturan qadınlara və ya sual verməyən, şərh etməyən şəxslərə əhəmiyyət verməmək səciyyəvi haldır. Bu böyük bir səhvdir. Çünki, məhz onlar təyinat qərarına verilməsinə təsir edən şəxlər ola bilər. Buna görə də siz heç olmazsa göz əlaqəsi vasitəsi ilə onların hər biri ilə ünsiyyət qurmağa çalışmalısınız.

Digər tərəfdən bu cür panel sessiyalarının müsahibə edilən şəxs baxımından xoşagəlməz olacağına da hazır olmaq lazımdır. Bəzi hallarda namizəd formal olsa belə müsahibə komissiyasının sədrini salamlamağa layiq görmür. Lakin bu sizin fikrinizi yayındırmamalıdır. Müsahibə aparan qrupun bir çox insandan ibarət olduğunu nəzərə alsaq, adətən dövlət sektoruna aid təşkilatlar namizədlərin müsahibəyə eyni gündə gəlmələrini tələb edir. O zaman siz kabinetə daxil olarkən və ya çıxarkən digər namizədlərlə qarşılaşa bilərsiniz. Axşam isə müsahibədən qabaq seçim qrupu ilə şam yeməyi təşkil edilə bilər ki, burada namizədlər daha çox qrup üzvləri ilə söhbət imkanı əldə etmək üçün öz yerlərini dəyişdirə bilərlər.