İşədüzəltmə dünyası: “beyin ovçuları”, məsləhət şirkətləri və agentlikləri
Əvvələr müxtəlif işədüzəltmə şirkətləri arasında açıq-aydın fərqlər mövcud idi. Üst təbəqədə “peşəkar ovçuları” adlanan, “beyin ovçuları” şirkətləri (head hunter) və ya idarəetmə üzrə mütəxəssislərin seçimi üzrə məsləhətşilər dururdu. Belə şirkətlər vakansiyaları heç vaxt elan etmirdilər. Onlar fəaliyyətlərini yüksək vəzifələrin üzərində cəmləşdirirdilər. Bu məqsədlə onlar xüsusi insanlar vasitəsi ilə axtarış və tədqiqatlar apararaq bir-birinə rəqib şirkətlərdə və digər təşkilatlarda işləyən müvafiq namizədlərin müəyyən etməyə çalışırdılar.
Bunların ardından məsləhət şirkətləri gəlirdi. Bu təşkilatların vasitəsi ilə müştəri-şirkətlər öz vakansiyalarını kütləvi informasiya vasitələrində elan edirdilər. Öz növbəsində məsləhətçilər vakansiyaya cavab verən namizədlər ordusunun içindən son siyahını tərtib edirdilər. Daha sonra onlar müştəri-şirkətə vakant vəzifəyə kimin götürülməsi mövzusunda məsləhətlər verməklə onlar tərəfindən verilən “kadr məsləhətçisi” xidmətini əsaslandırmış olurdular.
Sonuncu yerdə isə işədüzəltmə şirkətləri idi ki, onlarda sadəcə iş axtaran insanların bazası mövcud idi. Lakin məsləhət xidmətinə çox az yer verirdilər.
Müasir zamanda isə bu tip təşkilatlar arasında fərq demək olar ki, aradan qalxmışdır. “Beyin ovçuları” bəzi vakansiyalar üçün namizədlər tapmaq üçün mütəmadi elanlar verirlər. Anoloji olaraq bəzi işədüzəltmə şirkətləri bəzi top-menecer vakansiyaları üçün namizəd axtarışı ilə məşğul olurlar. Namizəd axtarışı və seçimi ilə məşğul olan bir çox şirkətlər də vakansiyalara verilən cavablar əsasında öz bazalarını yaratmış olurlar. Bununla belə bəzi işədüzəltmə agentlikləri elanlar verməklə və təhlillər aparmaqla namizəd seçimini həyata keçirirlər.
Dostları ilə paylaş: | 
