Bu kitab kimin üçün nəzərdə tutulub

Əlaqələrin qurulması
Əgər siz görüşdüyünüz məsləhətçilərlə yaxşı əlaqə qura bilsəniz o zaman kadr agentliklərindən müsbət nəticə əldə edə bilərsiniz.

Bu əlaqələr ilk telefon danışığından başlayır və bu andan etibarən inkişaf etməyə başlayır. İlk görüşdə məsləhətçilərdə sizin haqqınızda təsəvvür oyanır və bu əlaqənin nə qədər perspektivli olduğu müəyyən edilir.

Nəticə etibari ilə məsləhətçi işəgötürənin nümayəndəsi kimi hərəkət edərək onun maraqları çərçivəsində ilkin seçimini edir. Buna görə də işəgötürənlə görüşə nail olmaq üçün məsləhətçidə təəssürat oyatmaq lazım gələcəkdir:

• 
  Görüşə hər zaman vaxtında gəlməli;
  
• 
  Müsahibəyə gedərkən necə geyinilirsə o cür gözəl geyimlə məsləhətçinin görüşünə getmək;
  
• 
  Hər zaman nəzakətli olmalı;
  
• 
  Müzakirəni sizin müsbət keyfiyyətlərinizin üzərində cəmləşdirməli;
  
• 
  İş axtarışı üçün ruh yüksəkliyini ifadə etmək;
  
• 
  Bacardıqca qarşılıqlı anlaşmanı tənzimləməyə çalışmaq.
  

Əgər bunlardan istifadə etmiş olsanız, o zaman məsləhətçi sizi şirkətdə özünüzü yaxşı tərəfdən göstərən şəxs olaraq qəbul edəcəkdir.

Məsələn, sizin xarici görünüşünüz çox əhəmiyyətlidir. Küçədə yay ayı və isti hava şəraitinin olması sizə kadr agentliyinə futbolkada gəlməyə əsas vermir. Məsləhətçi haradan bilsin ki, siz onun müsahibəyə göndərəcəyi şirkətə gedərkən bu ehtiyatsız hərəkəti təkrarlamayacaqsınız. Sizin ciddi namizəd olduğunuza dair məsləhətçidə heç bir şübhə yaratmayın.

Əgər məsləhətçini bu şəkildə sizə inandırmağa məcbur edə bilsəniz böyük ehtimalla onlar riskə gedərək sizi şirkətə tövsiyyə edə bilərlər. “Bob, mən bilirəm ki, bu oğlanın tərcümüyi-halı digərləri kimi cəlb edici deyil. Ancaq güman edirəm ki, o sənin xoşuna gələcək. O bir çox keyfiyyətlərə sahib olmaqla həqiqətən də bu işə keçməyə hazırdır. Güman edirəm ki, sənin onun məqsədyönlü və ağır işi görmək əzmində olan bir insan olduğunu görəcəksən”. Belə bir dəstək siz tələblərə cavab verməsəniz belə müsahibə üçün seçilmiş namizədlərin siyahısına düşməyə imkan verəcəkdir.

Yadda saxlayın ki, məsləhətçilərə onların müştəriləri olan şirkətlərə tövsiyyə edə biləcəkləri namizədlər tapması vacibdir. Onlar istəyirlər ki, özünüzü yaxşı tərəfən göstərəsiniz. Onlara hörmətlə yanaşın və çox güman ki, onlar da sizə eyni şəkildə cavab versinlər.

“Beyin ovçuları” firmalarının diqqətini cəlb etmək

“Beyin ovçuları” firmaları fikirlərini əsasən yüksək tələblərə cavab verən vakansiyalar üçün “beyin” axtarışları üçün cəmləşdirirlər. Əgər karyeranızı inkişaf etdirmək istəyirsinizsə şübhəsiz ki, “beyin ovçularının”diqqətini cəlb etmək yaxşı üsul olardı.

Sizə hal-hazırda işləmək və sanballı təcrübəyə malik olmaq heç də pis olmazdı. Hətta bəzən təkcə indiki işlədiyiniz vəzifənin adı sizi “beyin ovçuları” ilə görüşə gətirib çıxara bilər. Siz iş axramadığınız halda belə bu baş verərsə nəzakətli olmağa çalışın. Ola bilər ki, bu insan bir neçə ildən sonra sizin arzularınızın açarını əlində tutmuş olsun.

Lakin belə bir təkliflərin olmadığı təqdirdə və siz “beyin ovçuları”nın fikrini cəlb etmək istəyirsinizsə müəyyən tədbirlər görməlisiniz. Bunu aşağıdakıların vasitəsi ilə edə bilərsiniz:

• 
  Konfranslarda çıxış etməklə;
  
• 
  Məqalə yazmaqla;
  
• 
  İş yerinin dəyişməsinə dair elanların verilməsi.
  

Top-menecer axtarışı ilə məşğul olan Whitehead Mann GKR şirkətinin partnyoru Kris Lonq belə demişdir: “Elə etmək lazımdır ki, yüksək vəzifə üçün sizi potensial kadrların arasından müəyyən etmək olsun. Buraya peşəkarlığınızın artırılması və şirkətiniz üçün gördüyünüz işlər daxildir. Vaxtınızın bir hissəsini işləyərək karyeranızın idarə olunmasına və gələcəkdə özünüzü təqdim etmək baxımından “beyin ovçuları” ilə dostluq imkanlarına sərf etmək lazımdır”