Kurak teshigi soxasida og`riqsizlantirish. Bu anesteziyada burun – tanglay nervi bloklanadi. Kurak teshigi markaziy kurak tishlar orasida milk
chetidan 7-8 mm orqada (kurak surgichi orqasida) joylashgan. Burun – tanglay nervini og`iz ichidan va
tashqarisidan bloklash mumkin.
Og`iz ichi usuli:
Bemor boshi orqaga maksimal egilgan va og`zini katta ochgan xolatda ignani yuqori jag` tanglay tomon
alveolyar o‘sig`i oldingi qismiga nisbatan egilgan xolat beriladi. Ignani kurak surgichi shilliq qavatiga 1-2%
dikain eritmasi surkab sanchiladi, bu erda kurak teshigi og`zi bir qancha oldinda joylashgan. Agar ignani to‘g`ri
kurak teshigiga sanchilsa, igna yo‘nalishi kurak kanali ukiga mos kelmaydi, chunki pastki jag` ularni parallel
turishlsa xalakit qiladi. Ignani suyakacha kiritib, 0,3-0,5 ml anestetik yuboriladi va u kurak teshigiga diffuzlanib
burun – tanglay nervini bloklaydi. Anesteziya effekti agar ignani kanalga 0,5-,75 sm kirgizib anestetik yuborilsa
ancha oshadi. Bu xolda burun tanglay nervidan yuqori tish chigali oldingi qismiga tutashgan anastomozlar
bloklanadi. Lekin igna bilan kanalga xar doim xam kirib bulmaydi, ayniksa, pastki makrognatiya yoki yuqori
mikrognotiyasi bor bemorlarda.