Buxoro davlat universiteti turizm fakultet

Ta'limiy turizm.O’qish, malaka oshirish maqsadida sayohat xalqaro turizmda nisbatan yangidir. Ko’proq til o’rganish uchun safarlar ommaviylashmoqda . Ayniqsa, Buyuk Britaniya va boshqa ingliz tilida so’zlovchi mamlakatlarga qiziqish ortib bormoqda.
Sport turizmi. Sport safarlarining bosh maqsadi – tanlangan sport turi bilan shug’ullanish. Bunday safarlar faol va passiv holatda bo’ladi. Faol holatda qaysidir sport turi bilan shug’ullanish asosiy o’rin tutadi. Passiv holatda esa sportga qiziqish masalan musobaqalarga tashrif buyurish –tomosha asosiy maqsaddir.
Sarguzasht turizmi. Bu turizm dam olishning o’ziga xos turi hisoblanadi. U turizmning nafaqat ularni mahliyo qilgan joylarga bo’lishini ta’minlaydi, balki g’ayriodatiy faoliyat bilan ham shug’ullanishiga imkon beradi.
Ekzotik turizm. Bu turizm turi ekzotik mamlakatlarga, Tinch va Atlantika okeanlari orollariga sayohat bilan bog’liq. Keyingi yillarda o’zining g’ayrioddiyligi bilan hayron qoldiruvchi safarlar paydo bo’ldi. Hozircha eng hayratlisi va o’ta qimmatligi kosmosga uchishdir.
Ekalogik turizm (ekoturizm) keying yillarda o’ziga diqqat-
e’tiborni jalb etyapti. Yevropa va Amerika aholisi uchun qo’riqlanayotgan tabiiy hudud bo’ylab sayohat qilish dam olishning eng keng tarqalgan turlaridan biri bo’lib qolmoqda. Turizm mazkur turning boshqalardanfarqi shundaki, sayohat nigohida bo’lgan tabiiy atrof- muhitga turistlar zarar yetkazmaslikka harakat qiladilar. Tabiatni muhofaza qilishga va mahalliy aholi farovonligini yaxshilashga ko’maklashadi.
Ijtimoiy turizm – ijtimoiy ehtiyojlar uchun davlat tomonidan ajratiladigan mablag’ hisobiga amalga oshiriladigan sayohatdir. Ijtimoiy turizmda maqsad daromad olish emas, balki kam daromadli kishilarni qo’llab-quvvatlash, ularning dam olishga bo’lgan huquqlarini ta’minlashdir.
Ishga aloqador kasbiy (professional) maqsadlardagi turizm. Ayrim mehmonnavoz mamlakatlar turistik industriyasida turistlarning ikki bosh kategoriyasidan biri-ishbilarmon sayohatchilar turg’unligiga qaratilgan holat kuzatilmoqda.
Turizm bu turning xususiyatlari shundan iboratki, ishga aloqador maqsadlarda keluvchi turistlar asosiy vaqtlarini majlislar yoki ish yuzasidan uchrashuvlarda o’tkazadilar, qat’iy dastur va tadbirlar jadvaliga amal qiladi. Ular ko’pincha o’zlarining manfaatlari bilan bog’liq o’sha bitta shaharga kelishadi. Qimmat narxdagi mehmonxonalarda to’xtaydilar, buyurtma transportdan, ishbilarmonlar bilan uchrashuv uchun mahsus jihozlangan binolardan foydalanadilar hamda tantanali qabullar, shuningdek, yakka ekskursiyalarda ishtirok etadilar.
Ishbilarmonlik turizmiga, shuningdek, rag’battlantiruvchi (insentiv) turizm ham kiritiladi. Rag’batlantiruvchi turizm buyurtmachisi sifatida yirik korparatsiyalar chiqishadi, ular alohida o’rnak ko’rsatgan xodimlarning guruh safarlari uchun to’lovlarni zimmalariga oladilar.
Ishbilarmon turizmida ikki yirik segment ajratiladi: yakka yoki guruh, ular ishga doir maqsadlarda sayohatga chiqishadi va turli kompaniyalar xodimlari tez-tez kompaniya ishi bo’yicha safarga boradilar. Bu keyingisi o’zida korporativ turizm deb ataladigan safarlarni namoyish etadi.