Oʻtloq akridasi[tahrir | manbasini tahrirlash]
Oʻtloq akridasi — Acrida sp. Togʻ etaklari va tekisliklarda xar xil oʻtlar aralash oʻtloqlarda yashaydi va yashil oʻsimliklar bilan oziqlanadi. Uzuntumshuq chigirtka — Truxalis nasuta. Oʻzbekistonda va unga tutash davlatlarda tarqalgan. Asosan, gʻalla va boshqa yovvoyi oʻsimliklar orasida, paxtazor va bedazorlar atrofida yashaydi. Rangi sargʻish kulrangdan yashil tusgacha. Beda, gʻoʻza, dala poliz ekinlari, gʻalla kabi oʻsimliklarga jiddiy zarar yetkazadi.
Misr chigirtkasi[tahrir | manbasini tahrirlash]
Misr chigirtkasi — Anacridium aegyptium. Yirik chigirtkalardan biri (65 mm gacha). Rangi kulrang, oq va qora dogʻlari aniq koʻrinib turadi. Oʻzi xosil qilgan koʻzachalarga tuxum qoʻyadi. Yantoq, shoʻra, mevali daraxtlar, tok va tut bargi bilan oziqlanadi. Xavfli zararkunanda. Oʻrta Osiyo togʻ etaklarida tarqalgan.
Koʻk qanotli chigirtka[tahrir | manbasini tahrirlash]
Koʻk qanotli chigirtka — Steuroderus sclaris L. Oʻrtacha kattalikdagi hasharot. Uzunligi 18 — 29 mm. Qoramtir qoʻngʻir tusda. Voyaga yetgan yosh shakillari boshoqli ekinlarning poyasi va boshogʻini yeb, gʻalla ekinlariga, shuningdek, beda, kartoshka va boshqalarga zarar yetkazadi.
Turkman chigirtka[tahrir | manbasini tahrirlash]
Turkman chigirtka — Ramburiella turcomqna F.W. Tanasi sariq qoʻngʻir, qolanotlarida qoramtir dogʻlari bor, boshi va orqasining old tomoni boʻylab och sariq yoʻl oʻtadi, u qanotlariga ulanib ketgan. Orqa qismining old tomonida ikkita och rangli yoʻl butsimon joylashgan. Orqa oyoqlarining son qismi koʻkimtir sargʻish. Erkaklarining uzunligi 22 — 30 mm, urgʻochilariniki 30 — 40 mm. Tuproqqa tuxum qoʻyadi. Aprel oyida tuxumdan nimfa (lichinka) chiqadi va oʻrtacha 37 kundan keyin jinsiy voyaga yetadi. Bular asosan gʻalla oʻsimliklarining yashil barglari, poyasi va boshogʻi bilan oziqlanib, katta zarar yetkazadi. Turkman chigirtkasi Oʻzbekiston, Qozogʻiston va boshqa davlatlarda tarqalgan boʻlib, asosan togʻ etaklari va yon bagʻrlarida yashaydi.
Dostları ilə paylaş: |
