Chet elda bu turdagi korxonalar qanday ishlashadi? Davlatning biznes sohasidagi faoliyati qay darajada samarali va daromadli?
Ushbu turdagi dasturlarning amalga oshirilishi bo'yicha ijobiy xalqaro tajriba mavjud.
Masalan, shu turdagi dasturning amalga oshirilishi tufayli, Malayziyaning milliy telekommunikatsion kompaniyasining foydasi 2 barobarga, energetika kompaniyasining foydasi va kelib tushgan mablag'lari 2,5 barobarga oshgan. Dasturga kiritilgan barcha ishtirokchi kompaniyalarning bozor narxi 3 martaga o'sgan.
Chet eldagi rivojlangan davlat korxonalari, yirik shaxsiy kompaniyalar bilan bemalol raqobatlasha olishadi.
Masalan, Singapur havo yo'llari aviatashuvlar bo'yicha dunyodagi eng raqobatbardosh kompaniyalardan biri hisoblanadi. Davlat kompaniyasi hisoblanadigan Frantsuz temir yo'llari esa, temir yo'l tashuvlari bo'yicha Yevropadagi oldi kompaniyalardan biridir.
Petronas va Saudi Aramko kompaniyalari – Malayziya va Saudiya Arabistonining davlat kompaniyalari hisoblanishadi va shubhasiz neft-gaz qazib chiqarish va kimyo sanoati bo'yicha dunyoning mashhur kompaniyalari hisoblanadilar.
Moliya sektorida, davlat banki bo'la turib, 3-5 yil davr oralig'ida davlat moliya institutida eng yirik va ahamiyatli transformatsiyani amalga oshira olgan Rossiyaning «Sberbank» bankini misol qilib ko'rsatish mumkin.
Hatto maishiy elektronika sektorida ham davlat kompaniyalari omadli faoliyat ko'rsatishi mumkin. Bunga misol Xitoyning «Hier» kompaniyasidir.
Dostları ilə paylaş: | 
