1-modul: Lotin yozuviga asoslangan o‘zbek alifbosi
Mazkur modul 14 soat auditoriya hamda 26 soat ish daftari bilan
ishlashga oid mustaqil ta’limdan iborat.
2-modul: O‘zbek adabiy tili me’yorlari
Mazkur modul 30 soat auditoriya hamda 36 soat ish daftari bilan
ishlashga oid mustaqil ta’limdan iborat.
3-modul: Davlat tilida ish yuritish
Mazkur modul 16 soat auditoriya hamda 22 soat ish daftari bilan
ishlashga oid mustaqil ta’limdan iborat.
Davlat tashkilotlari xodimlari tashkiliy, farmoyish, ma’lumot-
axborot hujjatlari, xizmat va diplomatik yozishmalarni, aholi esa
faqat kundalik hayotda
faol qo‘llaniladigan ma’lumot-axborot
hujjatlarini o‘rganishadi.
Kurs mazmunini qamrab olgan topshiriqlardan iborat ish
daftarlari ishlab chiqiladi. Yangi ishlab chiqilayotgan topshiriqlar turli
uslubdagi qiziqarli ma’lumotlarni o‘zida jamlagan matnlar yoki
badiiy matndan olingan parchalarni o‘qish, eshitish va tahlil qilishga
yo‘naltirilgan. Bunda video va audiomateriallar orqali yozma
ko‘nikma bilan birgalikda og‘zaki nutq ham rivojlantiriladi.
Kursning tashkil etilishidagi asosiy yondashuvlardan biri
tinglovchi tilga oid qoidani yodlashi yoki unga oid terminni bilishi
shart emas, o‘zlashtirilishi lozim bo‘lgan qoidaga mos holda vaziyat
beriladi. Tinglovchi og‘zaki va yozma nutqida, shuningdek, ish
hujjatlari bilan ishlash davomida o‘sha qoidalarga amal qilishi,
qanday holatlarda qoida buzilishi mumkinligini bilishi shart.
