Savollar: 1. Bu ishda nechta yuridik fakt mavjud? Ularni turlari bo'yicha tasniflang. 2. “Sharof Gas Service” MChJni yuridik shaxs sifatida tahlil qilib ko‘ring. 3. Bunday hodisalardan qanday huquqiy xulosalar chiqarish mumkin? 4. Hodisa sabablarini tekshirishning huquqiy mexanizmi qanday amalga oshiriladi? Kazus 4 Prezident Administratsiyasi huzuridagi Axborot va ommaviy kommunikatsiyalar agentligi (AOKA) O‘zbekistonda zo‘ravonlikka qarshi Nemolchi.uz loyihasi asoschisi va jurnalist Irina Matviyenko atrofida yuzaga kelgan vaziyatga izoh berdi.
3-may kuni jamoatchilik faoli O‘zbekistonni vaqtincha tark etgani, bunga noma’lum shaxsdan o‘lim tahdidini olgani sabab bo‘lganini ma’lum qilgandi. U huquqni muhofaza qiluvchi organlarga ariza bilan murojaat qilgan.
AOKA “Jurnalistlik faoliyatini himoya qilish to‘g‘risida”gi qonunning 10-moddasiga muvofiq davlat jurnalistning kasbiy faoliyatini amalga oshirishda himoyasini ta’minlashini eslatib o‘tdi.
Qonunning 14-moddasiga ko‘ra, jurnalistning hayoti, sog‘lig‘i va mol-mulkiga tahdid, zo‘ravonlik yoki tajovuz qilganlik qonun hujjatlariga muvofiq javobgarlikka sabab bo‘ladi. Bu kabi himoyaviy kafolatlar “Ommaviy axborot vositalari to‘g‘risida”gi qonunning 5-moddasida ham o‘z ifodasini topgan.
Agentlik Bosh prokuraturaga vaziyatni o‘rganib, unga huquqiy baho berishni so‘rab rasmiy xat yo‘llagan hamda jurnalist hayoti xavfsizligi ta’minlanishi va qonunchilikka zid ravishda tahdid qilgan shaxslarga nisbatan qonuniy choralar ko‘rilishiga ishonch bildirgan. Eslatib o‘tamiz, vaziyat IIV Tezkor qidiruv departamenti Kiberxavfsizlik markazi tomonidan ham o‘rganilmoqda.
Savollar: 1. Huquq nazariyasidan olgan bilimlari asosida “Nemolchi.uz loyihasi”ning huquqiy holatini aniqlang. 2. Huquqni muhofaza qilish organlariga murojaat qilishda huquqni muhofaza qilishning qaysi turi qo'llanilishini tahlil qiling. 3. Qonundan kelib chiqib, “o‘lim tahdidi” uchun qanday yuridik javobgarlik va jazo turi qo‘llanilishi mumkinligini tahlil qiling.
