Qilichbardorlar – Qilichbardorlar ordeni – Sharqiy Boltiq boyini bosib olish uchun Rim papasi Innokentiy III yordamida 1202 yilda asos solingan diniy ritsarlik ordeni.
Qonunlar to’plami – Stefan Dushan tuzgan o’rta asrlardagi Serbiya qonunlari to’plami. Serb podshosining tashabbusi bilan (1331-1355) tuzilgan bu majmua dehqonlarni uzil-kesil asoratga solgan edi.
‘’Quddus assizlari ‘’-XII asrda Quddus qirolligining yuridik yodgorliklari to’plami.
G’arbiy slavyanlar – G’arbiy Yevropada qadimdan yashab kelgan va quyidagi guruhlarga bo’linadigan ko’pdan-ko’p qabilalar; 1) chex-moraviya slavyanlari; 2) Polsha slavyanlari; 3) polab – Boltiq boyi slavyanlaridir. VI-VII asrlarda g’arbiy slavyanlar g’arb tomonda El’ba (Laba) bilan uning Salay (Zaaloy) irmog’i oralig’idagi sharq tomonda G’arbiy Bug bilan Sana o’rtasidagi keng hududni egallashardi.
Ular orasida chex, moraviya va slovak qabilalari polyak serblari va lujichanlar bor edi; shimolroqda yashovchi boshqa polab slavyanlari orasida vilenslar yoki lyutichlar, obodrid yoki bodrichlar Boltiq dengizi sohilida esa pomor slavyanlari yoki pomoryanlar bor edi.
