İqtisadi cəhətdən geridə qalmış ölkələr qrupuna,
əsasən afro-asiya-latın amerikası regionunda yerləşən, zəif
inkişaf etmiş, yoxsulluqdan və səfalətdən əziyyət çəkən
yüzə qədər dövlət daxildir (Somali, Efiopiya, Haiti və
başqaları).
Əlbəttə, hər bir ölkənin və ya ölkələr qrupunun
özünün həll olunmamış problemləri olsa da, bütövlükdə
bəşəriyyəti narahat edən və bütün millətlərin maraqlarına
toxunan irimiqyaslı sosial-iqtisadi problemlər də
mövcuddur və onların həlli ümumi səylərin birləşdirilməsini
tələb edir. Qlobal planda iqtisadi gerilik özünü onda büruzə
verir ki, xeyli sayda ölkələr (hesablamalara görə, Yer kürəsi
əhalisinin təxminən yarısı bu ölkələrdə yaşayır) inkişaf
etmiş ölkələrdən getdikcə daha çox geridə qalır. İstehsal
qüvvələrinin inkişafının, insanların həyat şəraitinin və
keyfiyyətinin səviyyəsinə görə bu ölkələr arasında olan fərq
xeyli böyükdür və getdikcə daha da artır. Bu vəziyyət
dünyanın varlı və kasıb ölkələrdən ibarət iki hissəyə bölün-
məsini günbəgün dərinləşdirir, beynəlxalq gərginliyi artırır
və ümumi təhlükəsizliyi təhlükə altında qoyur.
Həm KİV-in, həm də sahə mütəxəssislərinin diqqət
yetirmələrini tələb edən məsələlərdən biri də ölkələrin
yoxsulluq vəziyyətinə düşmələrinə gətirib çıxaran və bir-
biri ilə qarşılıqlı surətdə sıx bağlı olan amillərdir. Birinci
