Tənzimlənməsi üzrə Dövlət Agentliyi faydalı qazıntı yataqlarının kəşfiyyatı zamanı faydalı qazıntıların, eləcə
də onlardan istehsal olunan tikinti materiallarının, konstruksiyaların və digər məmulatların radiasiya
təhlükəsizliyi normalarına uyğun olmasına öz səlahiyyətləri daxilində nəzarəti təmin edir.
Faydalı qazıntılar yerləşən sahələrdə özbaşına aparılan tikinti işləri, onlara qoyulan vəsait, tikililərin
sökülməsinə və sahənin rekultivasiyasına çəkilən xərclər qanunvericiliyə görə ödənilmədən dayandırılır.
Faydalı qazıntıları çıxarmaq faydalı qazıntıların çıxarılması ilə əlaqədar olmayan yeraltı qurğuları tikmək
və istismar etmək, xüsusi mühafizə edilən geoloji obyektləri yaratmaq hüququ verən xüsusi razılığa müvafiq
olaraq yerin təki sahəsi istifadəçiyə dağ-mədən ayırması şəklində verilir. Faydalı qazıntılar yer təkinin geoloji
öyrənilməsi ilə eyni vaxtda, yaxud onun ardınca çıxarılacağı halda da yerin təki sahəsi dağ-mədən ayırması
formasında verilir.
Göstərilən torpaqların və yerin təkinin hüquqi rejimlərinin qarşılıqlı əlaqəsini nəzərə alaraq, ümumi
şəkildə yerin təkinin hüquqi rejimini, onun faydalı qazıntıların çıxarılması üçün torpaq sahələrinin hüquqi
rejiminə təsir edən elementlərini araşdıraq.
Yerin təkinin hüquqi rejiminin əsas elementi yerin təkinin digər hüquqlarını, həmçinin onların əmələ
gəlməsinin qaydalarını təyin edən mülkiyyət hüququdur. «Yerin təki haqqında» Qanuna müvafiq olaraq
ölkəmizin ərazisində yerin təki Azərbaycan Respublikasına mənsubdur.
Yerin təki sahələri alqı-satqı, bağışlama, vərəsəlik, girov və s. predmeti ola bilməz. Yalnız yerin təkindən istifadə hüququ qanunvericiliyinin yol verdiyi həddə özgəninkiləşdirilə bilər və ya bir şəxsdən
