Dərs vəSAİTİ Azərbaycan Respublikası Təhsil Nazirliyi Elm və

Yerin təki aşağıdakı müddətlərə verilir:  
- geoloji öyrənilmə üçün – 5 ilədək müddətə;  
- faydalı qazıntıların çıxarılması üçün – 25 ilədək müddətə;  
- göstərilən istifadə növləri birləşdirildikdə – 30 ilədək müddətə. 
Yerin təki sahələri faydalı qazıntıların çıxarılması ilə  əlaqədar olmayan yeraltı qurğuların tikintisi və 
istismarı, xüsusi mühafizə edilən obyektlərin yaradılması  və digər məqsədlər üçün müəyyən müddətə  və ya 
daimi verilə bilər. 
Yerin təkindən istifadə hüququ lisenziya formasında xüsusi dövlət orqanının icazəsi ilə  rəsmiləşdirilir. 
Xüsusi razılıq - yer təkinin geoloji öyrənilməsinə, ehtiyatları müvafiq qayda təsdiq edilmiş faydalı qazıntı 
yataqlarının işlənilməsinə, dağ-mədən müəssisələri və onunla bağlı emal sahələrinin tullantılarından istifadə 
olunmasına, yerin təkindən faydalı qazıntıların çıxarılması ilə  əlaqədar olmayan məqsədlər üçün istifadə 
edilməsinə, xüsusi mühafizə edilən geoloji obyektlərin yaradılmasına, mineraloji, paleontoloji və digər geoloji 
kolleksiya materiallarının toplanmasına və arxeoloji qazıntıların aparılmasına hüquq verir. Xüsusi razılığa görə 
dövlət rüsumu (haqq) alınır. 
Yerin təki istifadəyə müsabiqə, hərrac və birbaşa danışıqlar əsasında verilir. Səlahiyyətli dövlət orqanı ilə 
lisenziyanın sahibi arasında yerin təkinin istifadəsi ilə əlaqədar konkret şərtləri müəyyən edən müqavilə bağlana 
bilər. 
Yerin təkindən istifadə hüququna lisenziya, torpaq ehtiyatlarının idarə edilməsi orqanının  əvvəlcədən 
razılığı olduqda, yaxud yerin təkindən istifadə  məqsədi üçün torpaq sahəsinin ayrılmasına torpaq 
mülkiyyətçisinin razılığı əsasında verilir. Torpaq sahəsinin dəqiq sərhədlərində ayrılması və torpaq hüquqlarının 
rəsmiləşdirilməsi, yerin təkindən istifadə üzrə işlərin layihəsinin təsdiq olunmasından sonra həyata keçirilir. 
Lisenziyanın tərkib hissəsi torpaq sahəsindən istifadəyə görə ödəmələrlə, həmçinin torpaq ayırmalarının 
sərhədlərinin göstərilməsi ilə əlaqədar şərtlərdir. 
Yerin təkinin istifadəçisi torpaq sahəsindən istifadə zamanı ona verilmiş dağ-mədən ayırmaları 
sərhəddində faydalı qazıntı yataqları üzərində torpaq sahəsində tikntini məhdudlaşdırmaq hüququna malikdir və 
yerin təkinin istifadəsi ilə bağlı olan işlərin zərərli təsirindən torpaqların mühafizəsi haqqında müəyyən olunmuş 
qaydaların təsdiq olunmuş normalarına riayət etməyə borcludur.