Dərslik Azərbaycan Respublikası Təhsil Nazirliyi tərəfindən təsdiq edilmişdir

 
 
 
 
 
MƏLUMAT 
Məlumat idarə rəhbərinə unvanlanmış daxili sənəd növüdür. Məlumat struktur bölmənin 
və ya həmin bölməyə rəhbərlik edən şəxsin müəyyən məsələ ilə bağlı faktları sadalaması ilə 
yanaşı, konkret təkliflərini verməsini özündə birləşdirən sənəddir. Öz quruluşuna, səciyyəsinə 
görə məlumatlar hesabat və təklifvermə ilə əlaqədar tərtib olunur. Hesabat səciyyəli 
məlumatlarda sənəd başlığında hesabat dövrü də ifadəsini tapır. Məlumatı onun tərtibçisi 
imzalayır. Məlumatın mətni iki hissədən ibarət tərtib olunur. Birinci hissədə məlumatın 
yazılması səbəbi şərh olunur. İkinci hissədə qeyd olunan məsələ ilə bağlı təklif verilir. Əgər 
söhbət məlum faktdan gedirsə, onda məlumat yalnız təklif hissəsindən ibarət ola bilər. 
Məlumatın tərtib tarixi onun yazılma tarixidir. 
Məlumatın rekvizitləri aşağıdakılardır: 
- struktur bölmənin adı; 
- sənədin adı – MƏLUMAT; 
- sənədin ünvanlandığı şəxsin vəzifəsi, adı, soyadı; 

---

-sənədin tərtib tarixi; 
-sənədin aid olduğu dövr; 
-sənədi tərtib edən şəxsin vəzifəsi; 
- sənədi tərtib edən şəxsin imzası; 
- sənədi tərtib edən şəxsin adı, soyadı. 
Qoşun hissələri olan güc strukturlarında məlumat sənədi kimi raportdan istifadə olunur. 
«Raport» fransız sözü olub hərbi xidmətçinin rütbəcə özündən böyük şəxsə verdiyi şifahi və 
ya yazılı məlumat mənasını verir. 
Raport, eyni zamanda, yuxarı, rəhbər təşkilatlara verilən yazılı və şifahi məlumatdır. 
Məsələn: hər hansı bir öhdəliyin yerinə yetirilməsi haqqında iclasda, brifinqdə, mətbuatda 
təntənəli məlumat vermə də raport adlanır. Raportun hazırlanma forması məlumatla eynidir. 
Xüsusi hallarda nazirlik özünün raport formasını müəyyənləşdirə bilər. 
 
 
NÜMUNƏLƏR