Zemfira Əliyeva
25.12.1941 - 27.11.1995)
Yaradıcılığa on yeddi yaşında (Gəncə DDT-də başlayıb. İlk rolu Cəfər Cabbarlının "Solğun
çiçəklər" melodramasında Sara rolu olub və bu obraz gənc qıza populyarlıq gətirib. O, 1958-ci ildə
teatrın truppasına qəbul olunub. 1972-ci ilə kimi bu kollektivdə işləmiş aktrisanın sonraki fəaliyyəti
Naxçıvan DMDT və Akademik MDT ilə bağlı olub.
Xalq artisti fəxri adına layiq görülmüş Zemfira Əliyeva Gəncə teatrında Məryəm ("Qız
atası", Əfqan Əsgərov), Gülnar ("Vaqif", Səməd Vurğun), Zöhrə ("Eşq və intiqam", Süleyman Sani
Axundov), Medeya ("Medeya", Evripid), Firəngiz, Sara, Gülzar ("Oqtay Eloğlu", "Solğun çiçəklər"
və "Nəsrəddin şah", Cəfər Cabbarlı), Fərruxbəyim ("Kişilər", Altay Məmmədov), İrina ("Şikayət
qəbul edilmir", Toktobolat Əbdülmöminov), Dilarə ("Şərqin səhəri", Ənvər Məmmədxanlı), Tərgül
("Məhsəti Gəncəvi", Kəmalə Ağayeva), Süsən ("Namus", Aleksandr Şirvanzadə), Maral ("Sənsiz",
Şıxəli Qurbanov), Liza ("Sabahm xeyir", Viktor Rozov), Nisə xanım ("Lənkəran xanının vəziri",
Mirzə Fətəli Axundzadə), Şəcarət ("Əlvida, Hindistan!", Qeybulla Rəsulov), Turac ("Bahar suları",
İlyas Əfəndiyev), Nazlı ("Əliqulu evlənir", Sabit Rəhman), Nadejda Şevelyova ("Həmişə
təmizlikdə", Edvard Radzinski və Eldar Ryazanov) rollarını oynayıb.
Dostları ilə paylaş: |
