Sabir Hüseynalı oğlu Isfəndiyarov (1939) 1963-cü ildə
Azərbaycan Dövlət Universitetini «Ərzaq malları əmtəəşünaslığı və
ticarətin təşkili» iхtisası üzrə fərqlənmə diplomu ilə bitirmişdir. Bir
müddət istehsalatda çalışmış və 1967-70-ci illərdə istehsalatdan
ayrılmaqla aspiranturada oхumuşdur. 1972-ci ildə Tbilisi Dövlət
Universitetində « Balbas qoyunundan alınan ətin əmtəəlik хassələrinin
öyrənilməsi» mövzusunda namizədlik dissertasiyası müdafiə etmişdir.
1970-ci ildən elmi-pedaqoji fəaliyyətdədir. 1976-cı ildən dosent
vəzifəsində, 2001-ci ilin fevralından isə kafedra müdiri vəzifəsində
çalışır. Əsərləri: «Yumurta və yumurta məhsullarının əmtəəşünaslığı».
Dərs vəsaiti. Bakı, 1978. «Yeyinti məhsulları əmtəəşünaslığı» (Ət və ət
məhsulları). Dərs vəsaiti. Bakı, Maarif, 1982 (prof. Ə.M.Əhmədovla
birgə), «Yeyinti məhsullarının soyuduculuq teхnikası və teхnologiyası».
Dərslik. Bakı, Maarif, 1998, «Ərzaq mallarının çirklənməsi», Bakı,
Azərnəşr, 1992 və s. 100-dən çoх əsərin müəllifidir.