Dərs 11. Adlar ilə hesablamalar. -
---
Yaratdıqımız cədvəldə əmək haqqının dollar ilə olmağını təsəvvür edin. Məs., həmin
dollar ilə olan məbləğləri manat ekvivalentinə çevirmək lazımdır.
«Əmək haqqı» sütunundan sonra yeni sütun əlavə edin və onu «Manat ilə» adlandırın.
Bu sütunda dollar ilə olan məbləği manata çevirən düstur daxil olunmalıdı. Düstur çox
sadədir: məbləği dolların məzənnəsinə (kursuna) vurmaq lazımdı. Yəni orada belə bir
düstur yazmaq olar:
=C3*4180
Bu düsturda C3- əmək haqqı məbləği , 4180 isə məzənnədir. Əlbəttə ki, bu rəqəm hər
gün dəyişilə bilər (və dəyişilir), ona görə də düsturu hər dəfə dəyişmək lazım olur. Bu
əməliyyatı sadələşdirmək üçün dollar məzənnəsini ayrıca bir ünvanda yazıb onu
düsturda istifadə etmək olar. Bunu etmək üçün başqa bir səhifəyə keçin və A1
ünvanınıda dolların məzənnəsini daxil edin. Sonra həmin ünvana ad vermək lazımdır (bu
adı biz gələcək düsturlarda istifadə edəcəyik). Ad vermək üçün Insert menyusundan
Name >Define seçirik.
Names in workbook sətrində adı daxil edib OK düyməsini basırıq. Adların yazılış
qaydaları belədir ki, real ünvanın adına oxşamasın və rəqəmlərdən ibarət olmasın, ad iki
sözdən ibarət olsa arası boş olmamalıdı, məs. «_» işarəsi qoyulmalıdı.
Define Name pəncərəsi adları silmək üçün də istifadə olunur (Delete düyməsi).
Ad qoyduqdan sonra əsas cədvəlin «Manat ilə» sütununda olan düsturu aşağıdakı ilə
əvəz edirik.
=C3*dollar
İndi dolların məzənnəsini dəyişdikdə bu düsturun nəticəsi də avtomatik olaraq dəyişir.
| 
