Dərslik rəHBƏRLİk azərbaycan Respublikası Təhsil Nazirliyinin 24 saylı

Laborator məlumatlar
 Histopatologiya
Çox vaxt azacıq akantolitik genişlənmiş epidermisin daxilində geniş sahəli akantoliz 
nəzərə çarpır ki, o da tor qişanın kolbacıqlarını əhatə edir və məməciklərin ucları vasitə-
silə bazal hüceyrələrə qədər yayılır. Bunun nəticəsində epidermal hüceyrə əlaqələrinin 
strukturunun pozulması («kərpic divarda çatlar») baş verir. Ayrı-ayrı hüceyrələrin akan-
tolizindən başqa bəzi yerlərdə akantolitik hüceyrələrin diskeratoid dəyişiklikləri (pikno-
tik hüceyrə nüvəsi, məsələn, srtatum granulosumda olan eozinofil homogen hüceyrələr)
nəzərə çarpır. Qovuqların möhtəviyyatında leykositar ekzositoz və eozinofil leykositlər 
olmur. 
Qovuğun dibindən götürülmüş yaxmanın sitologiyası
Pemfiqus hüceyrələri və diskeratotik hüceyrələr aşkar edilir.

---

328
İmmunoloji müayinələr
Pemfiqus anticisimləri nə xəstənin dərisində, nə də qan zərdabında olmur.
Differensial diaqnoz
İntertriqo, intertriqinoz ekzema və mikozdan, xüsusilə də kandidozlu intertriqodan 
fərqləndirmək vacibdir. Ocağın serpiqinoz kənarı hamar dərinin mikozundan şübhələn-
dirməlidir. Ağzın selikli qişasında dəyişikliklər olan vegetasiya edən pemfiqusu histoloji 
və immunloji müayinələrin aparılması yolu ilə istisna etmək lazımdır. Darye xəstəliyi 
histoloji baxımdan çətin aşkar edilə bilər, lakin klinik cəhətdən ayırd edilə bilər, çünki 
o, digər lokalizasiyaya malikdir və birincili səpgilər formasında follikulyar keratotik 
papulalar əmələ gəlir.
Müalicə
Yalnız xəstəliyin ağır formalarında qlükokortikoidlərin orta dozalarda qəbul edilmə-
si özünü doğrultmuşdur. Antibiotikləri mikroorqanizmlərin bakterioloji rezistentliyini 
aşkar etdikdən sonra təyin etmək olar. Onlar effektiv təsir göstərə bilərlər. Alternativ 
variant kimi izotretinoinlə (roakkutan) və ya asetretinlə (neotiqazon) aparılan müalicəni 
tətbiq etmək olar.
Südlü məhlulların, kremin və ya pastanın əsasında hazırlanmış flüorlaşmış qlüko-
kortikodlərin və antibiotiklərin (antibiotikoqrammanın nəticələrinə əsasən) yerli ola-
raq kombinasiyalı şəkildə tətbiqi seçim vasitəsi sayılır. Kalium permanqanat və anilin 
boyaları ilə vannalar da həmçinin müəyyən təsir göstərə bilər. A vitamini turşusunun 
məhlulunun 0,01%-li konsentrasiyada krem şəklində tətbiqi də çox vaxt böyük effek-
tə malik olur. Provokasiya amillərindən, məsələn isti hava, günəş şüaları, sürtünmə və 
ya bakterial infeksiyalardan qorunmaq lazımdır. Qlükokortikodləri uzun müddət yerli 
tətbiq etdikdə kandidoz infeksiyasına nəzarət etmək vacibdir. CO2 -lazerin işlədilməsi 
də effektiv nəticə verə bilər. Dərinin zədələnmiş sahələrinin dermabraziyası və ya tam 
ekssiziyası və ayrı-ayrı xəstələrdə sonradan onların dəri parçası ilə əvəz olunması (örtül-
məsi) müəyyən qədər sağalmaya səbəb olur.