Dərslik rəHBƏRLİk azərbaycan Respublikası Təhsil Nazirliyinin 24 saylı

Məsələ №86
24 yaşlı xəstə dermatoveneroloqa sidik kanalından ifrazatın gəlməsi, siyimə zamanı 
və onun sonunda sancıların olması şikayəti ilə müraciət etmişdir. Bu əlamətlər təsadüfi 
cinsi əlaqədən 7 gün sonra əmələ gəlmişdir. Baxış zamanı: uretranın xarici dəliyi na-
hiyəsində – hiperemiya, şişkinlik, sərbəst, orta dərəcəli sarı-yaşıl irinli ifrazatlar nəzərə 
çarpır. Uretranın palpasiyası – ağrılıdır. Tompson 2 stəkan sınağı zamanı sidik hər iki 

---

504
porsiyada tutqundur. Uretradan götürülmüş və Qram üzrə rənglənmiş irin yaxmalarının 
müayinəsi zamanı qonokoklar aşkar edilmişdir.
1. Diaqnozu qoyun.
2. Müalicə planını və əks epidemik tədbirləri göstərin.
Məsələ №87
19 yaşlı xəstə dermatoveneroloqa sidik kanalından irinli ifrazatların gəlməsi, həmçinin 
siyimə aktının əvvəlində sancıların olması şikayəti ilə müraciət etmişdir. O, təsadüfi 
cinsi əlaqədən sonra xəstələnmişdir. 2 stəkan Tompson sınağını qiymətləndirdikdə sidik 
birinci porsiyada tutqun olmuşdur. İfrazatların bakterioloji müayinəsi zamanı hüceyrə-
daxili və hüceyrəxarici yerləşmiş qonokoklar aşkar edilmişdir.
1. Diaqnozu qoyun və müalicə planını tərtib edin.
Məsələ №88
27 yaşlı xəstə dermatoveneroloqa siyimə aktının sonunda kəsici ağrılarla, həmçinin 
siyimə çağırışlarının tezləşməsi ilə əlaqədar şikayətlərlə müraciət etmişdir. Xəstəlik tə-
sadüfi cinsi əlaqədən 5 gün sonra kəskin başlamışdır, xəstə müalicə olunmamışdır. Baxış 
zamanı: uretranın xarici dəliyinin dodaqlarının ödemi, uretradan irinli-selikli sarımtıl 
ifrazatın gəlməsi nəzərə çarpır. 2 stəkan Tompson sınağı zamanı sidik hər iki porsiyada 
tutqundur. Yaxmaların təkrari müayinələri zamanı bütün görmə sahəsini örtən leykosit-
lər daima aşkar edilmişdir; hər görmə sahəsində tumurcuqlanan hüceyrələrin böyük yı-
ğıntıları görünür. Bakteriyalar və trixomonadlar müəyyən olunmur. Saburo mühitinə ək-
dikdə – C.albicans, həmçinin apatogen stafilokokkun sürətlə böyüməsi müşahidə olunur.
1. Diaqnozu qoyun və müalicəni təyin edin.