Dərslik rəHBƏRLİk azərbaycan Respublikası Təhsil Nazirliyinin 24 saylı

Məsələ №89
Cinsiyyət üzvü və xaya nahiyəsində xoralar olan xəstə daxil olmuşdur, onlar 3-4 gün 
əvvəl əmələ gəlmişdir. Xəstə xoraların yaranmasını nigahdankənar cinsi əlaqə ilə bağ-
lıyır. Obyektiv olaraq: dairəvi formalı, 1 qəpik ölçüsündə eroziyalar görünür, dibində 
– yarpaqşəkilli infiltrat, eroziyanın səthində – «yağlı ərp». Regionar limfa düyünləri 
böyüməmişdir, seroreaksiya mənfidir.
1. Müayinə planını tərtib edin.
2. İlk növbədə hansı xəstəliklərdən şübhələnmək lazımdır?
 Məsələ №90
36 yaşlı qadın ginekoloqa sağ böyük cinsiyyət dodağının ağrısız şişkinliyi ilə (yeriməyi 
bir qədər çətinləşdirən) əlaqədar müraciət etmişdir. 3 həftəyə qədər xəstədir. Həkim-gi-
nekoloqun təyinatına əsasən daxilə streptosid və yerli olaraq UBŞ tətbiq olunmuşdur. 
Müalicənin fonunda effekt alınmamışdır. Təkrar müayinə zamanı şiş tərəfdə qasıq limfa 
düyünlərinin böyüməsi nəzərə çarpmış və qanın seroloji müayinəsi təyin olunmuşdur.
1. Hansı xəstəliklərdən şübhələnmək lazımdır?
2. Hansı klinik simptomlar bartolinitə oxşayır?
3. Bartolinit üçün hansı simptomlar səciyyəvi deyildir?
4. Ginekoloq hansı taktiki səhvə yol vermişdir?

---

505
5. Necə hərəkət etməli idi?
6. Belə vəziyyətdə qanın seroloji müayinəsinin hansı nəticələrini gözləmək olar?
Məsələ №91
Dəri-zöhrəvi dispanserində həkimin qəbuluna fimoz əlamətləri ilə cavan şəxs müraciət 
etmişdir. Bu əlamətlər 1 həftə əvvəl inkişaf etmişdir. Qasıq limfa düyünləri kiçik gavalı 
ölçüsünə qədər böyümüşdür, bərk elastik konsistensiyalıdır, hərəkətlidir, onların üzərin-
dəki dərinin rəngi dəyişməmişdir. Xəstə evli deyildir, 1 ay əvvəl təsadüfi cinsi əlaqədə 
olmuşdur.
1. Güman edilən ən doğru diaqnozu göstərin.
2. Xəstəyə hansı müayinələri təyin etmək lazımdır?
 Məsələ №92
32 yaşlı xəstə qadın bədənin dərisində yaranan səpgilərlə əlaqədar dermatoloqa müra-
ciət etmişdir. Anamnezdən məlumdur ki, 3 ay əvvəl o, naməlum kişi ilə cinsi əlaqədə 
olmuşdur. Baxış zamanı bədənin dərisində rozeolyoz səpgi vardır, poliadenit müəyyən 
olunur.
1. Hansı xəstəlikdən şübhələnmək olar?
2. Diaqnozu qoymaq üçün hansı müayinələr lazımdır?
3. Həkimin növbəti taktikası necədir?