“E-auksion” elektron savdo platformasida elektron onlayn-auksionlar va elektron tanlovlarni tashkil etish va o‘tkazish xizmatlarini ko‘rsatish bo‘yicha ommaviy oferta

10. Taraflarning javobgarligi.
10.1. “Taraflar” qonunchilik hujjatlari va mazkur ommaviy oferta shartlariga rioya qilish 
majburiyatini oladi.
10.2. Mazkur shartnomada ko‘zda tutilmagan holatlarda “Taraflar”ning mulkiy javobgarligi 
O‘zbekiston Respublikasi Fuqarolik kodeksi, “Xo‘jalik yurituvchi subyektlar faoliyatining shartnomaviy-
huquqiy bazasi to‘g‘risida”gi Qonuni va boshqa qonun hujjatlariga asosan tartibga solinadi.
10.3. “Operator” o‘ziga bog‘liq bo‘lmagan holda elektron platformadan foydalanishda yuzaga 
kelgan salbiy oqibatlar, xususan “Ishtirokchi”ning kompyuter texnikalari ishdan chiqqanligi yoki undagi 
kamchiliklar, “Ishtirokchi” tomonidan internet tarmog‘iga nobarqaror ulanish va undagi uzilishlar, 
“Ishtirokchi” internet provayderining internet tarmog‘iga ulanishdagi cheklanishlari, zarar keltiruvchi 
kompyuter virusi dasturlari, “Ishtirokchi”ning kompyuter texnikalari ishlashidagi ayrim nosozliklar va 
boshqa sabablar bo‘yicha ishtirokchi va uchinchi shaxslar oldida javobgarlikni o‘z zimmasiga olmaydi.
11. Fors-major holatlar.
11.1. Agar ushbu “Ommaviy oferta” shartlaridan kelib chiquvchi majburiyatlarning to‘liq yoki 
qisman bajarilmasligi suv toshqini, yong‘in, zilzila va boshqa tabiiy ofatlar, embargo (chet el mollarini 
mamlakatga keltirish yoki mamlakatdan chiqarishni davlat tomonidan taqiqlab qo‘yish), urush yoki harbiy 
xatti-harakatlar,telekommunikatsiya 
(axborot) 
xizmatlari 
ko‘rsatish 
sohasidagi 
Qonunchilikdagi 
o‘zgarishlar, ushbu “Ommaviy oferta” imzolangandan keyin uning shartlarini bajarish imkoniyati mavjud 
bo‘lmagan hollarda Tomonlarning hech biri javobgar bo‘lmaydi.
Agar ushbu holatlardan biri ushbu “Ommaviy ofertada” belgilangan majburiyatlarning bajarilish 
muddatiga bevosita ta’sir ko‘rsatsa, u holda bu muddat tegishli holatlarning amal qilish muddatini 
mutanosib ravishda orqaga suradi.
11.2. Majburiyatlarni bajarish imkoniyati bo‘lmagan vaziyat yuzaga kelgan “Taraflar” yuqorida 
ko‘rsatib o‘tilgan holatlar paydo bo‘lishi, taxminan amal qilish muddati va bekor qilinishi to‘g‘risida ular 
yuzaga kelgan va to‘xtatilgan vaqtdan boshlab darhol, biroq 5 (besh) kalendar kunidan kechiktirmasdan 
boshqa “Tarafni” yozma ravishda xabardor qilishi kerak.
Xabarnomada bayon etilgan faktlar O‘zbekiston Respublikasining vakolatli organi tomonidan 
tasdiqlangan bo‘lishi kerak.
11.3. Xabar bermaslik yoki o‘z vaqtida xabardor qilmaslik “Tarafni” yuqorida ko‘rsatilgan har 
qanday holatlardan birida majburiyatlarni bajarishdan ozod qilish uchun asos sifatida ko‘rib chiqish 
huquqidan mahrum qiladi.

---