|
DPU (DELIVERED AT PLACE UNLOADED) – Təyin olunmuş yerdə yük boşaldılmış təhvil
2010-cu il DAT (“Delivered at Terminal”) və DAP (“Delivered at Place”) şərtlərini qarışdırmamaq üçün 2020-ci il qaydalarında DAT əvəzinə DPU (“Delivered at Place Unloaded”) şərti yer almışdır. DPU çatdırılma şərtində satıcı malları yükləyib öz ölkəsində gömrük rəsmiləşməsini etdikdən sonra aralıq daşıyıcı istifadə edibsə əsas daşıyıcıya yükləyər (DAT şərtindən fərqli olaraq terminala deyil) təyin olunmuş yerə ( liman, hava limanı, terminal, alıcının anbarı) çatdırar və yüklərin boşaldılmasını həyata keçirər. DPU çatdırılma şərti bütün nəqliyyat vasitələrində istifadə oluna bilər. Alıcı öz ölkəsindəki gömrük, vergi və digər xərcləri özü qarşılayır.
Müqavilədə yaxud fakturada çatdırılma şərti (delivery term) ``DPU Nice Train Station`` şərtində qeyd edilibsə Bakıda yerləşən ixracatçı şirkət yəni satıcı , Bakıda tıra yüklədiyi yükün ``Nice`` da idxalatçı yəni alıcı firmanın qeyd etdiyi ünvanda ("Nice Train Station") yük çatana qədər çatdırılmaya dair risklərə cavabdehdir.
DPU qiymət hesablanması: malın satış qiyməti + qablaşdırma + yükləmə + daxili nəqliyyat + ixrac gömrük xərcləri + liman xərcləri + yük (icarə) xərcləri + alıcının ölkəsindəki nəqliyyat və yük boşaltma xərcləri
Nəqliyyat: Xərclər satıcıya aiddir.
Sığorta: Sığorta öhdəliyi yoxdur , tərəflərin qarşılıqlı razılığına verilib.
Daşıma növü: Bütün nəqliyyat vasitələrində istifadə edilə bilər.
Dostları ilə paylaş: | 
